Ay ranj o gham mein panaah gaah,

Ay sakhtiyon mein faryaad ras,

Main teri panaah mein aaya hoon

aur tujh se faryaad kar raha hoon.

Aur teri panaah chahta hoon

Tere ilaawa na kisi ki panaah chahta hoon

aur na kisi se taalib-e-wus'at hoon.

Meri faryaad rasi farma aur mere ranj ko door farma de.

Ay woh jo thode se amal ko qabool karta hai

aur ziyadah gunaahon ko mu'aaf kar deta hai

Mere thode amal ko qabool kar le

aur mere kaseer gunaahon ko mu'aaf kar de ke

Tu Ghafoor bhi hai Raheem bhi hai.

Khoodaya main tujh se us Imaan ka sawaal karta hoon jo dil se paiwast ho

aur woh yaqeen chahta hoon jisse mujhe ilm ho jaaye ke mujh tak wahi pahunchega jo tu ne mere liye likh diya hai

aur phir mujhe isi ma'eeshat se raazi kar de jo tu ne mere liye muqaddar kiya hai

Ay behtareen reham karne waale.

Ay ranj o gham ke zakheere.

Ay sakhtiyon ke saathi

aur naimaton ke Wali.

Ay raghbaton ki inteha,

Tu hi har ayb ka chhupaane wala.

Har khauf mein amn dene wala

aur har laghzish mein bachaane wala hai.

Lihaaza meri khata ko mu'aaf kar de

Ay Arhamur Raahimeen.