QƏDR GECƏLƏRİNİN ƏMƏLLƏRİ

1) Qədr gecəsinin qüslünü etmək: Mərhum Əllamə Məclisi deyir: "Qədr gecələrinin qüslünü günəş qürub edərkən etmək və məğrib namazını bu qüsl ilə qılmaq daha yaxşıdır."

2) İki rəkət namaz qılmaq: Hər rəkətdə <font><b><a href="https://www.divinepearls.com/surah1">Fatihədən</a></b></font> sonra yeddi dəfə <font><b><a href="https://www.divinepearls.com/surah112">İxlas</a></b></font> surəsi oxunur. Namazı qılıb qurtardıqdan sonra 70 dəfə deyin:

<font color="000000"><b>Allahdab bağışlanma diləyir və ona tövbə edirəm.</b></font>

Hədislərin birində Həzrət Rəsulallah (s) buyurub: "Kim bu əməli yerinə yetirsə, yerindən qalxdığı vaxt artıq Allah-Təala onun və ata-anasının günahlarını bağışlanmış olar. Allah mələklər təyin edər ki, gələn ilə qədər onun üçün savab yazsınlar..."

3) İmam Baqir (ə) bu gecənin əməllərindən birinin bu əməl olduğunu buyurmuşdur: Quranı aç və qarşına qoyub de:

<font color="000000"><b>Ey Allahım, nazil olan Kitabına və onda olanlara xatir - belə ki, bu Kitabdadır Sənin böyük adın, gözəl adların, qorxu və ümid yaradan adların – Səndən istəyirəm ki, məni oddan azad olanlardan qərar verəsən.</b></font>

Sonra Allahdan öz istəyini dilə.

4) İmam Sadiqin (ə) hədisinə əsasən, Quranı başa qoymaq: Qurani-Məcidi başına qoyub de:

<font color="000000"><b>Ey Allahım, bu Quranın haqqına xatir, bu Quranla göndərdiyin kəsin haqqına xatir, Quranda mədh etdiyin hər möminin haqqına xatir və Sənin onlar üzərində olan haqqına xatir, çünki heç kim Sənin haqqını Özündən daha yaxşı bilmir.</b></font>

Sonra hər birini on dəfə de:

<font color="000000"><b>Sənə xatir ey Allah!</b></font>

<font color="000000"><b>Məhəmmədə xatir!</b></font>

<font color="000000"><b>Əliyə xatir!</b></font>

<font color="000000"><b>Fatiməyə xatir!</b></font>

<font color="000000"><b>Həsənə xatir!</b></font>

<font color="000000"><b>Hüseynə xatir!</b></font>

<font color="000000"><b>Hüseyn oğlu Əliyə xatir!</b></font>

<font color="000000"><b>Əli oğlu Məhəmmədə xatir! Məhəmməd oğlu Cəfərə xatir!</b></font>

<font color="000000"><b>Məhəmməd oğlu Cəfərə xatir!</b></font>

<font color="000000"><b>Cəfər oğlu Musaya xatir!</b></font>

<font color="000000"><b>Musa oğlu Əliyə xatir! Əli oğlu Məhəmmədə xatir!</b></font>

<font color="000000"><b>Əli oğlu Məhəmmədə xatir!</b></font>

<font color="000000"><b>Məhəmməd oğlu Əliyə xatir!</b></font>

<font color="000000"><b>Əli oğlu Həsənə xatir!</b></font>

<font color="000000"><b>Höccətə xatir!</b></font>

Sonra Allahdan öz istəklərini dilə.

5) İmam Hüseyni (ə) ziyarət etmək: Əllamə Məclisi deyir ki, bu üç gecənin hər birində İmam Hüseyni (ə) ziyarət etmək təkid olunan müstəhəb əməllərdəndir. Hədisdə buyurulur ki, bu əməl günahların bağışlanmasına səbəb olar. Kim İmam Hüseyni (ə) yaxından ziyarət etmək imkanında deyilsə, o həzrəti uzaqdan ziyarət etsin.

6) Qədr gecələrini əhya saxlamaq: yəni sübhə qədər oyaq qalıb ibadət, dua və Quran oxumaqla məşğul olmaq, dini söhbətlərə qulaq asmaq, dini mövzularda sual-cavab məclisləri təşkil etmək, yaxud təfsir, əqaid, əhkam və bu kimi mövzularda kitab mütaliə etmək. Hədislərin birində İmam Baqir (ə) buyurur: "Hər kim Qədr gecəsi əhya saxlasa, onun günahları – nə qədər çox olsa da – bağışlanar." Yaxşı olar ki, Qədr gecəsindən əvvəlki gün istirahət edəsiniz, yüngül yeməklər yeyib az su içəsiniz ki, gecə sizi yuxu aparmasın. Bütün gecəni əhya saxlaya bilməyənlər yaxşı olar ki, gecənin əvvəlində bir qədər istirahət etsinlər və gecə yarıdan sonra oyanıb ibadətlə məşğul olsunlar.

7) Yüz rəkət (iki rəkət-iki rəkət) namaz qılın. Bu namazın çox böyük savabı vardır. Əgər gücünüz çatsa, yaxşı olar ki, <font><b><a href="https://www.divinepearls.com/surah1">Fatihədən</a></b></font> sonra on dəfə <font><b><a href="https://www.divinepearls.com/surah112">İxlas</a></b></font> surəsini oxuyun.

8) Mərhum Şeyx Kəf'əmi "Misbah" kitabında yazır ki, İmam Zeynul-abidin (ə) bu duanı 19-cü, 21-ci və 23-cü gecələr ayaq üstə və oturan yerdə, rükuda və səcdələrdə oxuyardı:

<font color="000000"><b>Ey Allahım, mən gecələdim, bir halda ki, Sənin xar bəndənəm; özüm üçün nə bir xeyrin, nə də bir ziyanın malikiyəm; özümdən heç bir xoşagəlməz hadisəni uzaqlaşdırmağa qadir deyiləm. Mən özüm üçün bu mətləbə şahidlik edirəm, Sənin qarşında öz zəifliyimi və çarəsizliyimi etiraf edirəm. Elə isə, Məhəmmədə və Ali-Məhəmmədə salam göndər, mənə, bütün mömin və möminələrə bu gecədə bağışlanacağımıza dair verdiyin vədə vəfa et, mənə verdiyini başa çatdır, çünki mən Sənin miskin, kasıb, zəif, yoxsul, xar bəndənəm. Ey Allahım, mənə ehsan etdiklərin və ehsanından mənə əta etdiklərin barədə məni Səni unudanlardan etmə; məni Sənin icabətindən naümid olanlardan – istər xoş və istər çətin günümdə, istər çətinlikdə və istər asanlıqda, istər sağlam olduğumda və istər bəlaya giriftar olduğumda, istər ehtiyaclı olduğumda və istər nemət içində olduğumda - etmə, hətta əgər (Sənin icabətin) çox yubansa da. Həqiqətən Sən duanı eşidənsən.</b></font>

9) Mərhum Əllamə Məclisi deyir: "Bu gecələrdə ən yaxşı əməl günahların bağışlanmasını diləmək, dünya və axirət işləri üçün dua etməkdir: həm özün üçün, həm də ata-anan, qohumların və mömin qardaşlar üçün – istər həyatda olsunlar, istərsə də dünyadan köçmüş olsunlar. Həmçinin mümkün qədər müxtəlif zikrlər demək, Məhəmmədə və Ali-Məhəmmədə salavat göndərmək bəyənilən əməllərdəndir. Bəzi hədislərdə buyurulur ki, bu üç gecədə "Cövşən-Kəbir" duası oxunsun."

Hədislərin birində oxuyuruq ki, bir nəfər Həzrət Rəsulallahın (s) yanına gəlib ərz etdi: "Əgər mən Qədr gecəsini yaşasam, Allahdan nə istəyim?" Həzrət Rəsulallah (s) buyurdu: "Sağlamlıq və salamatlığı istə."