Khuda bahut buzurg hai

Khuda bahut buzurg hai

Uske ilaawa koi Khuda nahin hai

Aur Khuda Buzurgtar hai.

Khuda bahut buzurg hai.

Aur saari hamd usi ke liye hai.

Hamd-e-Khuda hai ke jo usne hidaayat di hai

Aur uska shukr hai jo usne naimatein ataa ki hain.

Ay Saahib-e-Ehsaan o Karam

Ay Saahib-e-Jood o At'aa

Ay Hazrat Muhammad (S.A.W.) ke intekhaab karne waale aur Madadgaar

Muhammad (S.A.W.) o Aal-e-Muhammad (A.S.) par rehmat naazil farma

Aur mere un tamaam gunaahon ko mu'aaf kar de

Jo tere shumaar mein hain aur teri Kitaab-e-Mubeen mein likhe hue hain.

Khuda ke huzoor taubah karta hoon.

Ay Saahib-e-Quwwat

Ay Saahib-e-Karam

Ay Hazrat Muhammad (S.A.W.) ke intekhaab karne waale aur Madadgaar

Muhammad (S.A.W.) o Aal-e-Muhammad (A.S.) par rehmat naazil farma

Aur mere un tamaam gunaahon ko bakhsh de

Jinhein main bhool gaya magar tere paas Kitaab-e-Mubeen mein mehfooz hain.

Khuda ke huzoor taubah karta hoon.

Ay makhlooqaat par hamesha fazl o karam karne waale,

Aur donon haath se ataa karne waale,

Ay azeem tareen a'taaya ke Maalik

Muhammad (S.A.W.) o Aal-e-Muhammad (A.S.) par rehmat naazil farma

Jo apne kirdaar mein tamaam ka'inaat se afzal o bartar hain

Aur Ay Khuda-e-Buland o Bartar mu'aaf farma de

Hamaare gunaahon ko aaj ki shaam.