Ey Allahım, Sənin anlarından bir an (nəzər, lütf) istəyirəm ki,

onunla borclularıma borclarını ödəməyi asanlaşdırasan,

və mənə də onu (haqqımı) tələb etməyi (almağı) asanlaşdırasan,

həqiqətən, Sən hər şeyə qadirsən.

Ey Allahım, bütün məxluqatına qaytar (öhdəmdən götür)

mənim boynumda olan haqlarını (məzlumluqlarını),

onların kiçiyini və böyüyünü,

Sənin tərəfindən bir asanlıq və afiyət (salamatlıq) içində;

və o şey ki, (qaytarmağa) mənim gücüm çatmır,

və əlimin (maddi imkanımın) ona vüsəti yoxdur,

və bədənimin, yəqinim və nəfsimin ona qüdrəti çatmır,

bunu mənim əvəzimdən Öz yanındakı bol fəzlindən əda et,

sonra onun üçün mənim yaxşılıqlarımdan ödəyəcəyin bir şey saxlama (əməllərimdən kəsmə),

ey rəhimlilərin ən rəhimlisi!

Şəhadət verirəm ki, Allahdan başqa ilah yoxdur, O təkdir və şəriki yoxdur,

və şəhadət verirəm ki, Məhəmməd Onun qulu və elçisidir,

və din Onun qanun etdiyi kimidir,

və İslam Onun vəsf etdiyi kimidir,

və Kitab Onun nazil etdiyi kimidir,

və söz Onun buyurduğu kimidir,

və Allah, haqq və aşkar (Olanın) Özüdür.

Allah Məhəmmədi və Əhli-beytini xeyirlə yad etsin,

və Məhəmmədi və Əhli-beytini salamla (salamatlıqla) ucaltsın.