Khuda ke naam aur Khuda ki zaat ke zariye

Khuda ki panaah leta hoon naapaak ghaleez,

gande aur gandah karne waale

dhutkaare hue Shaitaan se

Khoodaya mujhe paakeezah ghizaa de aafiyat ke saath

aur use jism se baahar nikaal de jab yeh khabees ho jaaye aur woh bhi aafiyat ke saath.

Khoodaya hamein rizq-e-halaal ataa farma

aur haraam se parhez ki tawfeeq de.

Hamd hai Khuda ke liye jisne paani ko paakeezah banaaya

aur use naapaak nahin banaaya.

Khoodaya meri sharmgaah ki hifaazat farma, iffat ataa farma,

meri parda poshi farma

aur mere jism ko Jahannam par haraam kar de.

Saari ta'reef us Allah ke liye hai jisne hum se aziyyaton ko door kiya,

khaane peene ko hamaare liye khushgawaar banaaya

aur har balaa se najaat di.

Saari ta'reef us Allah ke liye jisne khaane ki lazzat se aashna kiya.

Uski taaqat ko jism mein baaqi rakha

aur faazil hissa ko baahar nikaal diya.

Kya kehna ne'mat-e-Parwardigaar ka,

Kya kehna ne'mat-e-Ilaahi ka

Kya khoob ne'mat hai.

Yeh woh shaiy hai jis par koi Qaadir nahin.