Ay Khuda-e-Buzurg, Ay Khuda-e-Ahad, Ay Kareem,

Main teri taraf mutawajjih hoon Hazrat Muhammad (S.A.W.) ke waseele se jo Nabi-e-Rehmat hain,

Khuda ki rehmat unke oopar aur unki Aal (A.S.) par.

Ya Rasoolullah (S.A.W.)

Main aapke waseele se Parwardigaar ki taraf mutawajjih hoon

Jo mera bhi Khuda hai aur aapka bhi Khuda hai. Har shaiy ka Maalik hai.

Khoodaya Muhammad (S.A.W.) o Aal-e-Muhammad (A.S.) par rehmat naazil farma

Aur mujhe apni taraf se behtareen tohfa inaayat farma,

kaamyaabi inaayat farma,

woh rizq-e-waasi' inaayat farma

jisse meri paraakandgi door ho

aur mera qarz adaa ho

aur main apne ahal o iyaal ki haafizat kar sakoon.