بے نیاز ہے وہ خدا جس کے آثار مٹنے والے نہیں ہیں۔

بے نیاز ہے وہ جس کے خزانے کم ہونے والے نہیں ہیں۔

پاک و پاکیزہ ہے وہ خدا جس کے مخزن میں کمی آنے والی نہیں ہے۔

پاک و پاکیزہ ہے وہ خدا جس کی دولت ختم ہونے والی نہیں ہے۔

اور نہ اس کی مدّت تمام ہونے والی ہے۔

پاک و پاکیزہ ہے وہ خدا جس کے امر میں اس کا کوئی شریک نہیں ہے

اور اس کے علاوہ کوئی خدا نہیں ہے۔

اے وہ پروردگار جس نے گناہوں کو معاف کردیا ہے اور ان کا بدلہ نہیں ہے

اپنے بندہ پر رحم کر۔ خدایا

یہ میرا نفس ہے یہ میرا نفس ہے

میں تیرا بندہ ہوں۔ اے میرے مالک!

میں تیرا بندہ ہوں اور تیرے سامنے کھڑا ہوں، اے میرے پروردگار!

اے میرے خدا! اے میری امید!

اے مجھ پر رحم کرنے والے اے میرے فریاد رس!

یہ تیرا بندہ ہے یہ تیرا بندہ ہے جس کے پاس کوئی چارہ و تدبیر نہیں ہے۔

تو اس کی رغبتوں کی آخری منزل ہے

اور تو ہی اس کی رگوں میں خون دوڑانے والا ہے۔

اے میرے مالک، سردار،

اے وہ خدا جو وہی ہے جو ہے

تیرا بندہ تیرا ہی بندہ ہے

تیرا بندہ جس کے لیے کوئی چارہ و تدبیر نہیں ہے اور اس کے پاس اپنا کچھ نہیں ہے۔

نہ اپنے نفع و نقصان کی طاقت رکھتا ہے

اور میرے پاس کوئی نہیں ہے جس سے امید کروں۔

سارے دھوکہ دینے والے وسائل قطع ہوگئے ہیں

اور تمام مہمل خیالات ختم ہوگئے ہیں،

زمانہ نے مجھ کو اکیلا چھوڑ کر تیرے حوالے کردیا ہے۔

اب میں تیرے سامنے اس منزل پر کھڑا ہوں۔

خدایا! جو کچھ ہوا ہے وہ سب کچھ تیرے علم میں ہے۔

اب دیکھنا یہ ہے کہ تو میرے ساتھ کیا برتاؤ کرتا ہے۔

کاش مجھے معلوم ہوجاتا کہ تو میری دعا کو

ہاں کہے گا یا نہیں کہے گا۔

اگر نہیں کہہ دے گا تو میرے لیے وامصیبتاہ ہے۔ میں فریاد کروں گا۔ وائے برحال ما۔ میں نالۂ و زاری کروں گا۔

یہ میری بدبختی ہے

یہ میری شقاوت ہے،

یہ میری نالائقی ہے، یہ میری ذلّت ہے یہ میری بیکسی ہے۔

میں کہاں جاؤں، کس سے کہوں،

کس کے پاس فریاد کروں اور کس سے

اور کہاں پناہ تلاش کروں،

کس سے امید کروں،

کون مجھ پر اپنا فضل کرے گا، اگر تو چھوڑدے گا

اے وسیع مغفرت والے۔

اور اگر تو نے ہاں کہہ دیا جیسا کہ تیرے بارے میں میرا خیال ہے اور یہی تجھ سے امید بھی ہے

تو خوشابحالی میرے لیے۔ میں نیک بخت ہوں، میں سعید ہوں،

میرے لیے طوبیٰ ہے میں قابل رحمت ہوں

اے میرے رحم کرنے والے، اے میرے مہربانی کرنے والے،

اے صاحبِ عطوفت، اے صاحب جبر،

اے صاحبِ اختیار، اے انصاف کرنے والے،

میرے پاس کوئی عمل نہیں ہے کہ میں اپنی حاجت کی کامیابی تک پہنچ سکوں،

تیرے اس نام کے وسیلہ سے دعا کرتا ہوں جسے تو نے اپنے غیب میں چھپا رکھا ہے

اور وہ تیرے ہی پاس محفوظ ہے تجھ سے نکل کر کسی اور کی طرف نہیں جاسکتا ہے

اسی نام کے واسطہ سے اور تیری ذات کے واسطہ سے۔ وہ نام جو اجل اور اشرف ہے

کوئی شئے میرے پاس اس کے علاوہ نہیں ہے

اور نہ تجھ سے زیادہ کوئی مہربانی کرنے والا ہے۔

اے ہستیٔ کامل اے ہستی دینے والے،

اے وہ خدا جس نے مجھے اپنی معرفت دی

اور اپنی اطاعت کا حکم دیا

اور اپنی معصیت سے روکا۔

اے وہ خدا جس سے دعا کی جائے،

سوال کیا جائے، تقاضا کیا جائے۔

میں نے تیری وصیتوں کو چھوڑ دیا جو تو نے فرمائی تھیں اور تیری اطاعت نہیں کی

ورنہ اگر تیرے عوامل کی اطاعت کرلیتا تو تمام معاملات کے لیے کافی ہوجاتا،

مگر میں اپنی معصیت کے باوجود تجھ سے امیدوار ہوں

لہٰذا میرے اور میری امیدوں کے درمیان حائل نہ ہوجانا۔

اے مہربانی کرنے والے مجھے سامنے سے پسِ پشت سے،

اوپر سے، نیچے سے

اور ہر طرف سے اپنی پناہ میں لے لے

خدایا! میرے سردار حضرت محمدؐ،

میرے ولی

اور تمام ائمہ راشدین علیہم السلام کے واسطے سے

مجھ پر اپنی رحمت، رافت اور مہربانی قرار دے دے۔

میرے رزق میں وسعت عطا فرما،

میرے قرض کو ادا کردے اور میری حاجتوں کو پورا فرما دے

اے اللہ اے اللہ اے اللہ

تو ہر شئے پر قادر ہے۔

اے معبود نبیؐ عربی اور ان کی آلؑ پر رحمت فرما۔