خدایا درود نازل فرما محمدؐ و آل محمدؐ پر

جو تیرے پسندیدہ وصی ہیں

اور اپنے تمام نبیوں اور رسولوں پر

اپنا بہترین درود ان پر برکت نازل فرما

اپنی بہترین برکت اور درود نازل فرما

ان کی روحوں اور جسموں پر

خدایا برکت نازل فرما محمدؐ و آل محمدؐ پر

اور ہم کو برکت دے اس روز جس کو

تو نے فضیلت دی ہے، مکرّم کیا ہے،

شرف عطا کیا ہے اور بزرگی عطا کی ہے۔

خدایا مجھ کو اس میں برکت دے جو تو نے مجھ پر نعمت نازل کی ہے

تا کہ میں تیرے علاوہ کسی اور کا شکر نہ ادا کروں

اور میرے رزق میں وسعت دے

اے جلالت و اکرام والے۔

خدایا جو چیز بھی مجھ سے پوشیدہ ہوجائے مگر تیری مدد اور حفاظت مجھ سے غائب نہ ہونے پائے

اور جو کچھ میں گُم کردوں تو تو اپنی مدد کو گُم نہ کرنا

کہ میں اس کے لیے زحمت نہ کروں جس کا میں محتاج نہیں ہوں

اے جلالت و بزرگی والے۔

اے جلالت و بزرگی والے۔