خدایا میں تیری طرف متوجہ ہوں محمدؐ و آل محمدؐ کے وسیلہ سے

اور ان کو تیری بارگاہ میں پیش کرتا ہوں

انھیں کے ذریعہ قرب چاہتا ہوں

اور انھیں کے وسیلہ سے مجھے وجیہ

دنیا و آخرت میں

اور مقرّب بنا دے۔

اور ان کی معرفت کرا کے تو نے مجھ پر احسان کیاہے

پس میرا خاتمہ ان کی پیروی

ان کی معرفت اور ولایت میں فرما کہ

یہ خوش بختی ہے

تو میرا خاتمہ اس پر کر

یقیناً تو ہر چیز پر قدرت رکھتا ہے ۔

خدایا مجھے محمدؐ و آل محمدؐ کے ساتھ رکھنا

ہر عافیت و بلا میں

اور مجھے محمدؐ و آل محمدؐ کے ساتھ رکھنا

ہر منزل پر ہر مقام پر مجھے انھیں کے ساتھ قرار دینا۔

میری زندگی ان کی زندگی،

میری موت ان کی جیسی

مجھے ہر منزل پر انھیں کے ساتھ قرار دینا۔

کہیں میرے اور ان کے درمیان جدائی نہ ہونے پائے۔

تو ہر شئی پر قادر ہے۔

پروردگار مجھے اپنی رحمت سے مایوس نہ کرنا،

مجھے اپنے کرم سے ناامید نہ کرنا

اور مجھے اپنے عذاب کی طرف سے مطمئن نہ بننے دینا

اس لیے یہ اطمینان انھیں لوگوں میں پیدا ہوتا ہے جو خسارے والے ہوں۔

خدایا میں تیری قربت چاہتا ہوں تیرے جود و کرم کے سہارے، میں تجھ سے قریب ہونا چاہتا ہوں حضرت محمدؐ کے سہارے جو تیرے بندے اور رسولؐ ہیں۔ اور ملائکہ مقرّبین اور انبیاء مرسلین کے سہارے اور خود تیرے سہارے۔ تو مجھ سے بے نیاز ہے مگر میں تیرا محتاج ہوں۔ تو غنی ہے مگر میں فقیر ہوں۔ تو نے مجھے لغزشوں سے بچایا، میرے گناہوں پر پردہ ڈالا لہٰذا میری حاجت کے بارے میں فیصلہ کردے اور مجھے میرے اعمال کی سزا نہ دینا بلکہ اپنے کرم سے برتاؤ کرنا اے صاحبِ تقویٰ و مغفرت، اے خدائے مہربان اور وہ پروردگار جو میرے ماں باپ اور تمام مخلوقات سے زیادہ مہربان ہے مجھے واپس نہ کرنا مگر میری حاجتوں کو پورا کرکے، میری دعاؤں کو قبول کرکے، میری آرزوؤں پر کرم کرنا اور مجھ سے ساری بلاؤں کو دور کرنا۔

اے بچانے والے

اے بخشش دینے والے

اے نیکیوں والے اے مہربان

تو مجھ پر میرے ماں باپ پر

اور ساری مخلوق سے بڑھ کر مہربان ہے

مجھے پلٹا حاجت پوری کرنےکے ساتھ

میری دعا قبول فرما

میری آواز پر رحم کر کہ

تو نے طرح طرح کی بلائیں مجھ سے دور کی ہیں۔

میں اللہ کی ربوبیت، پیغمبرؐ کی نبوّت، اسلام جیسے دین، قرآن جیسی کتاب اور ائمہ طاہرینؑ کی امامت سے راضی اور مطمئن ہوں۔ خدایا تیرا فلاں بندہ تیرا دوست ہے، اسے ہر طرف سے، سامنے سے، پشت سے، داہنے سے، بائیں سے، اوپر سے، نیچے سے، محفوظ رکھنا اس کی عمر میں اضافہ عطا فرما، اسے اپنے امر سے قیام کرنے والا قرار دے اور اسے اپنے دین کی مدد کرنے والا قرار دے اور اسے ہر وہ چیز عطا فرما جو وہ چاہتا ہے اور جس سے اس کی آنکھوں کو ٹھنڈک ملتی ہو۔ اس کی ذات کے بارے میں، اس کی ربوبیت کے بارے میں، اس کے اہل و عیال اور اس کے چاہنے والوں کے بارے میں، حدیہ ہے کہ خود اس کے دشمنوں کے بارے میں اور دشمنوں کو سب دکھلا دینا جن سے وہ خوف زدہ ہوں اپنے بندے کو وہ حالات دکھلا دینا جو وہ چاہتا ہے اور جس سے اس کی آنکھوں کو ٹھنڈک ملے، اس کے دل کا سکون اور اطمینان، خدایا میرے لیے اگلے پچھلے گناہوں کو میری ظاہر و باطن خطاؤں کو، میرے نفس پر اسراف کو اور میری ہر برائی کو جو تو جانتا ہے معاف فرمادے۔ تو ہی مقدم کرنے والا اور موخر کرنے والا ہے۔ تیرے علاوہ کوئی خدا نہیں ہے اور تیرے علم غیب اور تیری قدرت کا واسطہ جب تک میری زندگی میں خیر ہے مجھے زندہ رکھنا اور اگر وفات میں خیر ہو تو مجھے دنیا سے اٹھا لینا خدایا میں ظاہر و باطن ہر جگہ میں تیرا خوف چاہتا ہوں اور غضب و رضا ہر جگہ کلمۂ حق چاہتا ہوں، فقیری اور مالداری ہر جگہ میانہ روی چاہتا ہوں وہ نعمت چاہتا ہوں جو ختم نہ ہو، وہ خنکیٔ چشم چاہتا ہوں جو تمام نہ ہو، میرا سوال یہ ہے کہ میں تیرے فیصلہ سے راضی رہوں میری موت بابرکت ہو، مجھے موت کے بعد سکون حاصل ہو، تیری بارگاہ کی طرف نظر کرنے کی لذّت حاصل ہو۔ تیری ملاقات کا ذوق حاصل ہو، نہ مصیبت نہ کوئی گمراہ کن فتنہ۔ خدایا مجھے ایمان کی زینت سے مزیّن کردے اور مجھ کو ہدایت یافتہ قرار دے اپنے تمام ہدایت یافتہ بندوں میں مجھے ہدایت یافتہ قرار دے۔ خدایا میں تجھ سے سوال کرتا ہوں صحیح راستہ کا، ثبات امر کا، ہوشیاری و ہوش مندی کا، نعمتوں کے شکریہ ادا کرنے کا، بہترین عافیت کا اور حقوق کے ادا کرنے کا۔ خدایا میرا سوال ہے کہ مجھے قلبِ سلیم، سچّی زبان عطا فرما۔ میں استغفار کرتا ہوں ان تمام گناہوں سے جن کو تو جانتا ہے میں سوال کرتا ہوں ہر اس نیکی کا جو تو جانتا ہے اور پناہ چاہتا ہوں ہر اس برائی سے جس کو تو جانتا ہے اس لیے کہ تو سب کچھ جانتا ہے اور ہم کچھ نہیں جانتے ہیں تو غیب کا جاننے والا ہے۔

میں اپنے نفس، اپنے مال اور اپنی اولاد اور اپنے اہل کے لیے اور ہر وہ چیز جو مجھ سے وابستہ ہے سب کے لیے پناہ چاہتا ہوں۔ تو خدائے واحد و احد ہے جو بے نیاز ہے نہ اس کا کوئی بات ہے نہ بیٹا ہے اور سب کو میں پناہ میں دیتا ہوں اس خدا کی جو صبح کا پیدا کرنے والا ہے۔ وہ تمام مخلوقات کے شر سے محفوظ رکھے۔ میں اپنے کو اس خدا کی پناہ میں دیتا ہوں جو رب الناس اور ملک الناس ہے وہ وسواس خناس سے نجات عنایت فرمائے۔