خدایا میرے گناہوں کے لیے سوائے تیری معافی کی امید کے اور کچھ باقی نہیں رہ گیا

ورنہ میں نے محرومی کے تمام سامان فراہم کرلیے ہیں

اور میں تجھ سے اس چیز کا سوال کرتا ہوں جس کا حقدار نہیں ہوں

اور اس بات کی دعا کرتا ہوں جس کا سزاوار نہیں ہوں

اور اس کام کے لیے فریاد کررہا ہوں جس کا اہل نہیں ہوں،

تجھ پر میرا حال مخفی نہیں ہے۔

اگرچہ لوگوں کو میرے معاملات کی حقیقت معلوم نہیں ہے۔

خدایا اگر میرا رزق آسمانوں میں ہے تو اسے نازل کردے

اور اگر زمین میں ہے تو اسے ظاہر کردے

اور اگر دور ہے تو اسے قریب کردے

اور اگر قریب ہے تو اسے آسان بنادے

اور اگر قلیل ہے تو اسے کثیر بنادے

جو کچھ عطا فرما اس میں برکت دے۔