Parwardigaar main tujh se sawaal kar raha hoon raat ki aamad

aur din ke jaane ke sahaare,

waqt-e-namaaz ke aane ke sahaare,

du'aaon ke sahaare,

aur malaa'ikah ke tasbeehaat ki aawaazon ke sahaare

ke Muhammad (S.A.W.) o Aal-e-Muhammad (A.S.) par rehmat naazil farma

ke Muhammad (S.A.W.) o Aal-e-Muhammad (A.S.) par rehmat naazil farma

ke Tu behtareen Meherbaan aur taubah ka qabool karne wala hai.

Allah o Malaa'ikah salawaat bhejte hain Paighambar (S.A.W.) par.

Saahibaan-e-Imaan tum bhi

salawaat bhejoo aur saraapa tasleem ho jaao.

Khoodaya tere Paighambar (S.A.W.) par,

unki zurriyyat par aur unke Ahl-e-Bait (A.S.) par salawaat aur rehmat naazil farma.

Khuda ke naam se jo bada reham karne wala Meherbaan hai

aur nahin koi taaqat o quwwat magar woh jo Buland o Buzurg Khuda se milti hai.

Hamd Allah ke liye hai woh jo chaahe karta hai

aur uske ilaawa koi bhi jo chaahe nahin kar paata.

Tu paak hai tere siwa koi Ma'bood nahin

mere saare gunaah bakhsh de

kyunki koi bhi saare gunaah nahin bakhsh sakta magar sirf tu aisa kar sakta hai.

Tera shukr hai, tera shukr hai, tera shukr hai

Khuda ke naam se jiske siwa koi Ma'bood nahin

Woh ghaib aur haazir ka jaan-ne wala

Bade reham wala Meherbaan hai

Ay Ma'bood! Tu har andesha o gham ko mujh se door kar de.