Khoodaya Muhammad (S.A.W.) o Aal-e-Muhammad (A.S.) par rehmat naazil farma awwaleen mein,

Khoodaya Muhammad (S.A.W.) o Aal-e-Muhammad (A.S.) par rehmat naazil farma aakhireen mein,

Khoodaya Muhammad (S.A.W.) o Aal-e-Muhammad (A.S.) par rehmat naazil farma Malaa-e-A'laa mein,

Khoodaya Muhammad (S.A.W.) o Aal-e-Muhammad (A.S.) par rehmat naazil farma Mursaleen ke darmiyaan,

Khoodaya Hazrat Muhammad (S.A.W.) ko

waseela-e-sharaf,

fazeelat aur azeem darjah inaayat farma.

Khoodaya main Muhammad (S.A.W.) o Aal-e-Muhammad (A.S.) par Imaan laaya hoon agarche main ne unko dekha nahin

lihaaza Qayamat ke din unki ziyaarat se mehroom na karna,

unki suhbat mein jagah dena,

unki Millat par duniya se uthaana

aur unke Hauz-e-Kausar se

yoon seeraab karna

jiske baad phir tashnagi ka

ehsaas na paida ho

ke Tu har shaiy par Qaadir hai.

Parwardigaar jis tarah main Hazrat Muhammad (S.A.W.)

Sallallahu Alaihi Wa Aalihi par Imaan laaya

aur unhein nahin dekha ab Jannat mein unhein dekh loon.

Khoodaya tu hi Paighambar (S.A.W.) ko meri taraf se

tahiyyat o salaam pahunchaa de.

Subah ki main ne Ay Ma'bood ke mehfooz hoon teri nigehdaari o teri panaah mein ...