Khoodaya tu Salaam hai

Tujhi se salaamati hai

Aur teri hi taraf salaamati ki baazgasht hai.

Khoodaya Muhammad (S.A.W.) o Aal-e-Muhammad (A.S.) par rehmat naazil farma

Aur unki rooh tak meri meri taraf se salaam pahunchaa de

Aur tamaam arwaah-e-A'immah tak mera salaam pahunchaa de

Aur unki taraf se salaam mere liye waapas aaye.

Salaam ho un par aur tamaam rehmaten o barkatein unke liye

Khoodaya yeh do raka'atein hain jo hadyah hain

Rasool-e-Akram (S.A.W.) ke liye.

Khuda ki rehmat unke oopar aur unki Aal (A.S.) par.

Mujhe unka sawaab ataa farma

Jiski main umeed rakhta hoon tere baare mein aur tere Rasool ke baare mein.

Ay Momineen ke Maalik,

Ay Khuda-e-Hayy, Ay Qayyum,

Ay woh Khuda jiske liye maut nahin.

Ay woh Zindah jiske ilaawa koi Khuda nahin.

Ay Saahib-e-Jalaal o Ikraam.

Ay sab se ziyadah reham karne waale.

Ay Muhammad (S.A.W.), Ya Rasoolullah (S.A.W.)

Main Khuda ki baargaah mein aur aapke saamne

aur aapke Ahl-e-Bait (A.S.) ki baargaah mein apni haajaton ki faryaad karta hoon

aur aap hi hazraat ko in haajaton ke liye Khuda'i baargaah mein waseela qaraar deta hoon.

Ay Allah! Ay Allah!

Muhammad (S.A.W.) o Aal-e-Muhammad (A.S.) par rehmat naazil farma