ہر شخص اپنی بات کا گر ذمّہ دار ہے

شاہد مرے کلام کا پروردگار ہے

میرا علیؑ جو ہے ابوطالب کا لختِ دل

تقویٰ کا اور خیر کا اک شاہکار ہے

دیکھا ہے اس کو اس طرح میدانِ جنگ میں

وہ مطمئن ہے اور جہاں بے قرار ہے

جاتا ہے سوئے دشمنِ اسلام اس طرح

جیسے خدا کے ہاتھ میں یہ ذوالفقار ہے

بڑھتا ہے سوئے معرکہ شیروں کے درمیاں

جیسے نظر کے سامنے کوئی شکار ہے

اس پر سلام کرتے ہیں میکال و جبرئیل

بہ روزِ بدر اس کا بڑا افتخار ہے میکال و جبرئیل و سرافیل آئے ہیں

اور سب کے ساتھ فوجِ ملک اک ہزار ہے

میداں میں آئے فوج ابابیل کی طرح

یہ انتظام نصرتِ پروردگار ہے

قربانِ بوتراب نہ کس طرح ہو کلیمؔ یہ وہ بشر ہے جس پہ ملک بھی نثار ہے