Khoodaya tera libaas bahaa o azmat hai,

tera noor noor-e-anwar hai.

Tera ilm hijaabaat par haawi hai.

Tu ne apne i'temaad karne walon ko jood o karam se nawaaza hai.

Tu apni kibriyaai mein buland o bartar hai.

Tera ehsaan tere itaa'at guzaaron par azeem hai

jiski bina par woh tamaam ahal-e-aasmaan se fakhr o mubaahaat karte hain.

Khoodaya tujhe Ali (A.S.) ke haqq ka waasta main sawaal karta hoon

aur unke zariye tujhe pukaarta hoon

Aur unhein apni haajaton ke saamne muqaddam karta hoon