Ay neki karnay waalay Ay behtareen raabitah rakhnay waalay.

Ay har ghaa'ib kay gawaah,

har ek say qareeb,

sab par ghaalib aanay waalay

aur jis kay 'ilaawah haalaat ko koi nahin jaanta hai

aur nah koi us ki qudrat tak pohnch sakta hai.

Mein tujh say sawaal karta hoon us naam kay hawaalay say jo posheedah khazaanah-e-qudrat mein hai

aur har ek say chhipaa diya gaya hai.

Paak-o-Paakeezah hai, Muqaddas hai,

Noor hai, taam-o-kaamil hai

aur Hayy-o-Qayyoom 'Azeem hai,

aasmanon ka noor zameenon ka noor hai

aur 'aalim-e-ghaib-o-shuhood hai.

Ay Khudaay-e-Kabeer-o-Muta'aal-o-'Azeem,

Mera sawaal yeh hai kay Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.