Salawat bar Musa bin Jafar (a.s)

Khudaya rehmat nazil farma is ameen-e-muatabar Musa (a.s) bin Jafar par jo naik kirdar, makhliis, pakeeza, muhazzab aur noor-e-raushan thay. Teri raah mein zahmat bardasht karne wale aur aziyaton par sabr karne wale thay.

Khudaya jis tarah unhon ne apne aaba-o-ajdad ki taraf se in tamam paighamat ko pahunchaya jis amr-o-nahi ka amanat banaya gaya tha aur raah-e-haq par logon ko aamada kiya, ahl-e-takabbur-o-ghuroor ki sakhtiyon ko bardasht kiya in tamam masaib mein jo qaum ke juhala ki taraf se nazil hue thay, ab tu un par behtareen aur kamil-tareen rehmat nazil farma jo tu ne apne kisi bhi itaat-guzar aur makhliis bande par nazil ki hai ke tu Ghafoor bhi hai aur Raheem bhi hai.