اے صاحبِ کبریا و عظمت

اے صاحبِ جود و جبروت،

اے صاحبِ عفو و رحمت

اے صاحبِ تقویٰ و مغفرت

میں تجھ سے اس دن کے حق سے سوال کرتا ہوں

جس کو تو نے مسلمانوں کے لیے روزِ عید بنایا

اور حضرت محمد صلی اللہ علیہ و آلہ کے لیے شرف و کرامت کے مقام کا سبب بنایا

محمدؐ و آل محمدؐ پر رحمت نازل فرما

اور ہم کو اس نیکی میں داخل کردے

جس میں محمدؐ و آل محمدؐ کو داخل کیا ہے

اور ہر اس برائی سے نکال دے

جس سے محمدؐ و آل محمدؐ کو دور رکھا ہے۔

( جن پر تیری رحمت و برکات ہیں)

میں تجھ سے سوال کرتا ہوں اس خیر کے بارے میں جس کا صالحین نے تجھ سے سوال کیا

اور پناہ مانگتا ہوں ان برائیوں سے جس سے تیرے مخلص بندوں نے پناہ چاہی۔

خدایا میں تیری پناہ چاہتا ہوں اس آگ سے جس کی حرارت سرد ہونے والی نہیں ہے

جس کی تازگی جانے والی نہیں ہے

جس کی پیاس بجھائی نہیں جاسکتی۔

پروردگار میرے اس رخسارے کو جہنّم میں نہ لوٹانا

اس سجدہ کے بعد اور خاک پر سر رکھنے کے بعد

اگرچہ میرا تجھ پر کوئی احسان نہیں ہے،

تیرا ہی مجھ پر احسان ہے۔

خدایا اس پر رحم کر جس نے برائی کی گناہ کیا

بے چارہ ہوگیا اور اپنے گناہوں کا اقرار کیا۔

اگر میں بدترین بندہ ہوں

تو تو بہترین پروردگار ہے۔

بندے کے گناہ عظیم ہیں

تو تیری طرف سے بہترین معافی ہونی چاہیے اے کریم۔

معافی معافی

اور آج کے دن کو لہو و لعب اور غفلت میں نہ گذاروں کہ تمھیں نہیں معلوم ہے کہ تمہارے اعمال مقبول ہیں یا مردود۔ اگر مقبولیت کی امید ہے تو اس کے بدلہ شکریہ ادا کرو اور اگر رد ہوجانے کا خوف ہے تو مستقل طور پر رنجیدہ رہو۔