پروردگار! ہم تیری ہی عبادت کرتے ہیں اور تجھی سے مدد چاہتے ہیں

پاک ہے میرا رب عظمت والا ہے اس کی حمد کرتا ہوں

پاک ہے میرا رب بلند تر ہے میں اس کی حمد کرتا ہوں

خدایا اگر میں تیری اطاعت کرتا ہوں تو بھی حمد تیرے لیے ہے

اور اگر معصیت کرتا ہوں تو تیری حجّت مجھ پر تمام ہے۔

سہولت، آسانی، آسائش تیری ہی طرف سے ہے۔

بے نیاز ہے وہ جو نعمت بھی دیتا ہے اور شکریہ بھی ادا کرتا ہے۔

بے نیاز ہے وہ جو حکم بھی دیتا ہے اور معاف بھی کرتا ہے۔

خدایا اگر میں نے تیری نافرمانی کی ہے

تو میں نے بہترین شئی میں تیری اطاعت بھی کی ہے

جس کا نام ایمان ہے کہ

میں نے کسی کو تیرا بیٹا نہیں بنایا

اور نہ کسی کو تیرا شریک قرار دیا۔

یہ بھی تیرا ہی احسان میرے اوپر ہے،

میرا کوئی احسان تیرے اوپر نہیں ہے

مگر افسوس کہ میں نے تیری نافرمانی کی۔

مگر یہ نافرمانی غرور کی بناپر

یا بندگی چھوڑ دینے کی بناپر

یا خدا کے انکار کی بناپر نہیں ہے۔

بات صرف یہ ہے کہ میں نے خواہشات کا اتباع کیا

اور شیطان نے مجھے بہکادیا

اور تیری حجّت میرے اوپر تمام ہے۔

اگر تو عذاب کرے گا تو یہ میرے گناہوں کا نتیجہ ہوگا،

تیرا ظلم نہ ہوگا

اور تو معاف کردے گا اور رحم کرے گا

تو تو بہترین کرم کرنے والا اور بخشنے والا ہے۔

اے کریم، اے کریم

اے وہ خدا جو ہرشئی سے محفوظ ہے

اور ہر شئے اس سے خوف زدہ ہے۔

میں اسی امن کا واسطہ دے کر

اور ہر چیز کے خوف کا واسطہ دے کر تجھ سے یہ سوال کرتا ہوں کہ

محمدؐ و آل محمدؐ پر رحمت نازل فرما

اور مجھ کو میرے نفس میرے اہل

مال و اولاد میں امان عطا فرما

اور جو نعمتیں تو نے مجھے دی ان کو بھی

تا کہ مجھ میں بھی کسی چیز کا خون خطر نہ رہ جائے ۔

تو ہر شئی پر قادر ہے

اور تو ہی میرے لیے کافی ہے تو بہترین قابل اعتماد ہے

اے ابراہیم کے نمرود کے مقابلے میں کام آنے والے

اور موسیٰ کے لیے فرعون کے مقابلے میں کافی ہو جانے والے ۔

میں تجھ سے سوال کرتا ہوں کہ محمد و آل محمد پر رحمت نازل فرما

اور میرے لیے دشمن کے شر کے مقابلے میں کافی ہوجا۔