میں اپنے اس دن کا آغاز فراموشی اور جلد بازی کے درمیان کرتا ہوں

خدا کے نام کے ساتھ

جو خدا چاہتا ہے۔

میں اپنے آپ کو اور جن کے امور کی طرف میری تو جہ ہے

ان کو خدا ئے بلند تر اور صاحب ِجلالت کے سپرد کرتا ہوں

میں اپنے خوف زدہ

و ہراساں نفس کو خدا کے سپرد کرتا ہوں

ہر چیز ڈرتی کانپتی ہے ۔

اس کی عظمت کے سامنے

اے معبود! میں تجھ سے سوال کرتا ہوں تیری رات کے آنے

اور تیرے دن کے جانے کے وقت

اور تیری نمازوں کے وقت آنے پر

اور تجھے پکارنے کی آوازوں کے وقت

یہ کہ تو رحمت فرما محمدؐ و آل محمدؐ پر

اللہ کے نام سے اور اللہ ہی کے سہارے سے اور اللہ ہی کی طرف اور اللہ ہی کی راہ میں۔ پیغمبر اسلامؐ کی ملّت پر خدایا میں نے اپنے نفس کو تیرے حوالے کردیا۔ اپنے معاملات کو تیرے حوالے کردیا اور تجھ ہی پر بھروسہ کیا یا رب العالمین خدایا مجھے ایمان کے سہارے محفوظ رکھنا سامنے سے، پسِ پشت سے، داہنے سے، بائیں سے، اوپر سے، نیچے سے اور ہر طرف سے۔ تیرے علاوہ کوئی خدا نہیں ہے۔ ساری طاقت ریے ہاتھ میں ہے۔ میں تجھ سے معافی چاہتا ہوں اور ہر برائی سے عافیت چاہتا ہوں۔ دنیا وآخرت کے شر سے نجات چاہتا ہوں۔ خدایا میں تیری پناہ چاہتا ہوں عذابِ قبر سے، قبر کی تنگی سے اور قبر کے فشار سے۔ میں تیری پناہ چاہتا ہوں دن و رات کے حملوں سے اے مشعر الحرام، شہر حرام اور حل و حرم کے مالک محمدؐ و آل محمدؐ تک میرا سلام پہنچادے۔ خدایا میں تیری مضبوط زرہ اور تیری طاقت کے سہارے اس چیز سے پناہ چاہتا ہوں کہ میری موت ڈوب کر، جل کر، لقمے کے گلے میں پھنس جانے سے یا زہر سے یا کنویں میں گر جانے سے یا کسی اور آفت ناگہانی سے نہ ہو۔ نہ کوئی درندہ مجھے کھاسکے اور نہ ناگہانی موت آسکے اور نہ کوئی بُری موت مجھ تک آسکے۔ مجھے میرے بستر پر موت دینا اپنی اطاعت میں اپنے پیغمبرؐ کی اطاعت میں حق کی راہ میں خطاؤں سے محفوظ بناکر یا ان لوگوں کی صف میں موت دینا جن کی تعریف کی ہے جو سیسہ پلائی ہوئی دیواروں کی طرح راہِ خدا میں جہاد کرتے ہیں۔ میں اپنے نفس، اپنی اولاد اور خدا کے عطیے کو خدا کی پناہ میں دیتا ہوں۔ ساری حمد اللہ کے لیے ہے اس کی مخلوقات کی عدد کے برابر، حمد اللہ کے لیے ہے۔ ساری تخلیق کے برابر۔ حمد اللہ کے لیے ہے ساری کائنات کے برابر، اس کے کلمات کے برابر، اس کے عرش کے برابر، اس کی رضائے نفس کے برابر، اس کے علاوہ کوئی خدا نہیں، وہی علیم ہے، وہی کریم ہے، وہی علی ہے، وہی عظیم ہے۔ بے نیاز ہے وہ خدا جو آسمان و زمین اور اس کے درمیان کی ہر چیز کا مالک ہے اور عرشِ عظیم کا پروردگار ہے۔ خدایا میں تیری پناہ چاہتا ہوں شقاوت سے، دشمنوں کی شماتت سے، فقر و فاقہ سے اور اہل و مال یا اولاد میں بدترین منظر سے۔

خدا کے نام سے جو بڑا رحم کرنے والا مہربان ہے

نہیں کوئی طاقت وقوت مگر جو بلند بزرگ ہے خدا سے ہے۔

حمد ہے صبح کے رب کے لیے

اور حمد ہے صبح کو ظاہر کرنے والے کے لیے ۔

حمد ہے خدا کے لیے جس کی قدرت سے رات جاتی ہے

اور اس کی رحمت سے دن آتا ہے اور ہم تندرست رہتے ہیں۔

بے نیاز ہے وہ خدا جو رب العزّت ہے، لوگوں کے خیالات سے بلندتر ہے۔

سلام مرسلین پر

اور حمد اس اللہ کے لیے جو رب العالمین ہے۔

اس کی تسبیح

صبح و شام

آسمان و زمین میں ہے

سرِ شام بھی اور وقتِ ظہر بھی۔

وہ زندہ کو مُردے سے

اور مُردے کو زندہ سے نکالتا ہے۔

مردہ زمین کو زندہ بتاتا ہے

اور یوں ہی تم کو بھی ایک دن نکالے گا۔

وہ بے نیاز پاکیزہ صفات ہے۔

ملائکہ اور روح کا پروردگار ہے۔

اس کی رحمت اس کے غضب پر سبقت لے گئی۔

خدایا تیرے علاوہ کوئی خدا نہیں۔

میں نے اپنے نفس پر ظلم کیا۔ مجھے معاف فرمادے۔

مجھ پر رحم فرما اور میری توبہ کو قبول کرلے اس لیے کہ تو توبہ کا قبول کرنے والا ہے۔

خدایا تیرے لیے حمد ہے۔

میں تیری حمد کرتا ہوں، تجھ سے مدد چاہتا ہوں،

تو میرا خدا ہے

اور میں تیرا بندہ ہوں۔

میں نے تیرے عہد اور وعدے پر صبح کی ہے۔

میرا ایمان تیرے وعدے پر ہے

اور میں تیرے عہد کو حتیٰ الامکان پورا کرنا چاہتا ہوں۔

تیرے علاوہ کسی کے پاس طاقت نہیں ہے۔

تو وحدہٗ لا شریک ہے۔

پیغمبر تیرے بندے اور رسول ہیں۔

میں نے صبح کی ہے فطرتِ اسلام پر،

کلمۂ اخلاق پر،

ملّتِ ابراہیمؑ پر

اور دینِ پیغمبرؐ پر۔

درود و سلام ہو ان پر اور ان کی آل پر

اسی پر زندہ رہوں گا اور اسی پر مرجاؤں گا

انشاء اللہ

خدایا جب تک میں زندہ رہوں

یا مرجاؤں تو اسی عقیدے پر مجھے موت دینا

اور پھر اسی عقیدے پر مجھے اٹھانا۔

خدایا تیرے راستے کی اتباع چاہتا ہوں۔

میں تیری طرف متوجہ ہوں،

میں نے اپنے معاملات کو تیرے حوالے کیا ہے۔

آل محمدؐ ہمارے پیشوا ہیں،

ان کے علاوہ کوئی ہمارا پیشوا نہیں ہے۔

ہم انھیں کا اتباع کرتے ہیں

اور انھیں سے محبّت کرتے ہیں، انھیں کے چاہنے والے ہیں۔

خدایا انھیں ہمارا ولی بنا دینا

دنیا و آخرت میں

اور ہمیں توفیق دینا کہ ہم ان کے دوستوں سے محبت کریں

اور ان کے دشمنوں سے نفرت رکھیں

دنیا و آخرت میں

خدایا ہمیں صالحین سے ملحق کردینا

اور ہمارے والدین کو بھی ان کے ساتھ شامل کردینا۔

خدایا میں نے صبح کی ہے اس عالم میں کہ میں تجھ سے استغفار کررہا ہوں

آج کی صبح میں

آج کے دن

تیرے اہلِ رحمت کے لیے

اور اہلِ لعنت سے بیزاری کرتا ہوں۔

خدایا میں نے صبح کی ہے اس عالم میں کہ تیری بارگاہ میں

آج کے دن

اور آج کی صبح

مشرکین سے برأت کرتا ہوں

اور ان کے معبودوں سے برأت کرتا ہوں۔

یہ سب بدترین لوگ اور فاسق ہیں۔

خدایا جو آسمان سے زمین کی طرف نازل کیا ہے اسے برکت قرار دے

آج کی صبح

اور آج کے دن

اپنے اولیاء کے لیے

اور عذاب قرار دے اپنے دشمنوں کے لیے

جو تجھ سے محبّت کریں ان سے محبّت رکھ

اور جو تجھ سے نفرت کریں ان سے عداوت کر۔

خدایا میرا خاتمہ امن و ایمان پر ہو

جب تک آفتاب نکلتا اور ڈوبتا رہے،

مجھے اور میرے والدین کو معاف فرمادے

اور ان پر ایسے رحمت نازل فرما جیسے انھوں نے بچپنے میں مجھے پالا ہے۔

خدایا تمام مومنین و مومنات کو بخش دے،

تمام مسلمین و مسلمات کو بخش دے،

زندہ و اموات کو بخش دے

تو سب کی منزل جانتا ہے

خدایا امام المسلمین کو

اپنے حفظ و امان میں رکھنا،

ان کی مدد فرمانا زبردست قوّت سے

اور ان کے لیے فتح کو آسان کردینا۔

ان کے لیے اور ہمارے لیے اپنی طرف سے اقتضاء اور نصرت عطا فرما۔

خدایا فلاں اور فلاں پر لعنت فرمانا

اور ان تمام فرقوں سے جس نے تجھ سے،

تیرے رسولؐ سے

اور تمام ائمہؑ سے اختلاف اختیار کیا ہے۔

پروردگار میں تیرے فضل کی زیادتی

اور تیری نعمتوں کا اقرار

اور تیرے امر کے سامنے تسلیم کا سوال کرتا ہوں،

جو تو نے دیا ہے اس کی حفاظت عطا فرما،

میں کوئی بدل نہیں چاہتا ہوں

اور نہ اس کی کوئی قیمت چاہتا ہوں۔

خدایا اپنے نیک بندوں میں مجھے ہدایت دے۔

اپنے فیصلے اپنے حکم، اپنے قضا وقدر کے شر سے مجھے محفوظ فرما

اس لیے کہ تو فیصلہ کرنے والا ہے، تیرے خلاف کوئی فیصلہ نہیں کرسکتا۔

تیرا چاہنے والا ذلیل نہیں ہوسکتا۔

تو بابرکت بلندو برتر ہے،

بے نیاز اور کعبہ کا پروردگار ہے۔

خدایا میری دعا کو قبول فرما لے

اور اس عمل خیر کے ذریعے میں تجھ سے قریب ہوا ہوں،

اس کو اور زیادہ سے زیادہ بنادے،

مجھے اجر عظیم عطا فرما۔

پروردگار تیرا امتحان عظیم ترین

اور عطا عظیم ترین،

تیری عافیت بھی عظیم ترین

اور تیری پردہ پوشی بھی بہت ہے

اور تیرے لیے حمد ہے،

وہ حمد جو بہت زیادہ طیب اور مبارک

اور آسمان کے برابر

اور زمین کے برابر

اور رضائے الٰہی کے مطابق

اور جس طرح خدائے ذوالجلال

و الاکرام کے شایانِ شان ہے۔

نہیں کوئی معبود مگر اللہ ہے وہ یکتا ہے

اس کا کوئی شریک نہیں

حکومت اس کی اور حمد اسی کے لیے ہے

وہ زندہ کرتا ہے اور موت دیتا ہے

وہ ایسا زندہ ہے جسے موت نہیں

بھلائی اسی کے ہاتھ میں ہے

اور وہ ہر چیز پر قدرت رکھتا ہے۔

پاک و پاکیزہ ہے وہ اللہ

نہیں کوئی معبود مگر اللہ ہے

حمد اللہ کے لیے ہے

اللہ اللہ اللہ میرا رب

جو رحم والا مہربان ہے

میں کسی کو اس کا شریک نہیں بناتا

اے معبود! تو مجھے اپنے مضبوط قلعے میں داخل کر لے

کہ جس میں جسے تو چاہے داخل کرتا ہے ۔