Khuda ke naam se Khuda ki zaat se

Khuda ki kitni naimatein

jo saakin aur mutaharrik ragon mein hain

shukr karne waale aur naa shukre bandon par.

Ay Ma'bood! Meri museebat door kar de

Jald aafiyat ataa kar

Aur mera gham mitaa de.

Khuda ke naam se Khuda ki zaat se

Aur Muhammad (S.A.W.) Khuda ke Rasool ke saath

Durood o salaam ho un par aur unki Aal (A.S.) par

Aur nahin koi taaqat o quwwat magar jo Khuda ki hai

Ay Ma'bood! Woh dard haTaa de jise mehsoos karta hoon.

Ay Ma'bood! Tujh se maangta hoon teri taraf se jald sehat

Teri taraf se aayi museebat par sabr

Aur teri rehmat ki taraf jaane ki tawfeeq.

Ay Ma'bood! Main tujh se sawaal karta hoon Qur'an-e-Azeem ke haqq ka waasta de kar

ke jis ko lekar Roohul Ameen naazil hote rahe

aur tere haan daftar-e-kull maujood hai buland martaba hikmat waala hai

Yeh ke tu mujhe apni taraf se shifaa de

aur dawa se meri chaarah gari farma

aur apni balaaon se mehfooz rakh.

Aur rehmat naazil farma Muhammad (S.A.W.) o Aal-e-Muhammad (A.S.) par

Ay behtareen ataa karne waale,

Ay behtareen mas'ool,

Ay behtareen reham karne waale

Meri kamzori, meri be-chaargi par reham farma

Aur mujhe is dard se najaat ataa farma.