یس اور قرآن حکیم کے حق کا واسطہ ،

طٰہٰ اور قرآن حکیم کا واسطہ ۔

اے وہ پروردگار جو سائکلوں کی حاجت روائی پر قادر ہے۔

لوگوں کے دلوں کا حال جانتا ہے۔

رنج وغم کا دور کرنے والا،

ہم وغم سے نجات دینے والا ،

بوڑھے پر رحم کرنے والا

بچہ کو روزی دینے والا

جو کسی تفسیر کا محتاج نہیں ہے

محمدؐ و آل محمدؐ پر رحمت نازل فرما اور میری مشکل کو آسان کر دے۔

پالنے والے مجھے کبھی پلک جھپکنے کے وقت کے برابر بھی میرے نفس کے حوالے نہ کرنا

نہ ہی اس سے کم یا زیادہ وقت کے لیے۔

رحم کر مجھ پر ان تکلیفوں میں جن کے لیے مجھ میں طا قت ہے نہ صبر کا یارا ۔

اے معبود! میں تجھ سے سوال کرتا ہوں تیرے دبدے تیرے جمال اورتیری عطا کا واسطہ دے کر کہ میری یہ ا ور یہ حاجات پوری فرما۔

اے معبود! مجھے ان لوگوں میں نہ رکھ جن کا ایمان کچّا ہے

اور مجھے کوتاہی کرنے والوں میں سے شمار نہ کر۔

اے معبود! اگر تو مجھے عذاب دے تو میں اسی لائق ہوں

اگر تو مجھے بخش دے تو یہ تیرے شایانِ شان ہے۔

اے معبود! تو ان لوگوں کوسچی بات کہنے،

امانت ادا کرنے

اور نماز قائم رکھنے کی توفیق دے

اے معبود! وہ تیری مخلوق میں سے اس کے زیادہ مستحق ہیں تو ایسا کرے

اے معبود! تو ان کے لیے ایسا ہی کر۔

اے معبود! مجھ پر یہ احسان فرما کہ تجھ پر بھروسہ رکھوں

اپنے معاملے کو تیرے حوالہ کردوں

تیری تقدیر پر راضی رہوں

اور تیرے حکم کے آگے جھکوں

وہ یوں کہ تیری تاخیر میں جلدی نہ چاہوں

اور تیری جلدی میں تاخیر نہ چاہوں

اے جہانوں کے رب۔

خدایا تیرے لیے وہ حمد ہے

جو تیرے ساتھ باقی رہنے والی ہے

اور تیرے لیے وہ حمد ہے

جس کی کوئی انتہا نہیں ہے

اور تیرے لیے وہ حمد ہے

جس کی کوئی حد نہیں ہے علاوہ میری مشیت کے

اور تیرے لیے وہ حمد ہے

جس کی کوئی جزا نہیں ہے سوائے میری رضا کے

خدایا تیرے لیے ساری حمد ہے

سارا احسان تیرے لیے،

سارا فخر،

ساری وجاہت،

ساری نورانیت،

اور ساری عزّت،

اور ساری طاقت،

اور ساری عظمت تیرے لیے ہے

دنیا تیرے لیے

اور آخرت تیرے لیے

لیل و نہار سب تیرے لیے

اور ساری مخلوقات تیرے لیے

سارا خیر تیرے ہاتھوں میں ہے

اور ہر امر کی بازگشت تیرے لیے۔

تمام معاملے وہ ظاہری ہوں یا باطنی

خدایا تیرے لیے دائمی حمد ہے،

تو بہترین امتحان لینے والا ہے

قابل تعریف،

کامل نعمتیں دینے والا

معادلاً فیصلہ کرنے والا ۔

تیری عطا جزیل

اور تیرے احسانات عظیم ہیں۔

تو زمین کا خدا ہے

تو آسمان کا خدا ہے

خدایا تیرے لیے آسانوں پر حمد

تیرے لیے زمینوں پر حمد،

تیرے لیے بندوں کی طاقت

اور شہروں کی وسعت کے برابر حمد

تیرے لیے حمد ٹھوس پہاڑوں میں

تیرے لیے حمد رات کی تاریکی میں،

تیرے لیے حمد دن کی روشنی میں،

تیرے لیے حمد دنیا و آخرت میں،

تیرے لیے حمد سورۂ حمد اور قرآن مجید میں

تسبیح خدا کی تعریف اللہ کی

اور زمین و آسمان سب اللہ کے ہیں سب اللہ کے قبضۂ قدرت میں ہیں ۔

اور آسمان سب اللہ کے ہیں سب اللہ کے قبضۂ قدرت میں ہیں ۔

وہ مشرکوں کے خیالات سے برتر ہے۔

بے نیاز ہے اس کی تسبیح اور اسی کی حمد ۔

ہر شئی اس کے علاوہ فنا ہونے والی ہے ۔

اے خدائے بے نیاز تو بلند

و بابرکت ہے، پاکیزہ صفات ہے۔

تو نے ہر شئے کو اپنی قدرت سے پیدا کیا ہے، ہرشئی پر قادر ہے۔

تیری عزّت ہر چیز سے

بلند و بالاتر ہے۔

ہر شئی پر اپنی قوّت سے غلبہ رکھنے والا ہے ۔

ہر چیز کو اپنی حکمت سے ایجاد کرنے والا ہے۔

رسولوں کو کتابوں کے ساتھ بھیجنے والا ہے،

نیک بندوں کی ہدایت کرنے والا ہے

مومنین کی مدد اور تائید کرنے والا ہے

مخلوقات پر غلبہ رکھنے والا ہے۔

تیرے علاوہ کوئی خدا نہیں،

کوئی معبود نہیں، تیرا کوئی شریک نہیں

ہم تیرے غیر کی عبادت نہیں کرتے

ہم تیرے علاوہ کسی سے نہیں مانگتے

تیرے علاوہ کسی کی طرف نہیں جھکتے

تو ہی ہماری شکایتیں سننے والا

ہماری رغبت کا آخری مقام

ہمارا معبود اور ہمارا مالک ہے ۔