Khoodaya main tujh se sawaal karta hoon tere us posheedah naam ke sahaare jo khazaana-e-qudrat mein hai,

Paak o paakeezah hai, baa barkat hai.

Mera sawaal tere azeem naam,

teri qadeem saltanat ke sahaare hai

Ay a'asiyon ko ataa karne waale,

qaidiyon ko aazaad karne waale,

aatish-e-Jahannam se rihaa'i ataa karne waale

Muhammad (S.A.W.) o Aal-e-Muhammad (A.S.) par rehmat naazil farma.

Hamaari gardan ko aatish-e-Jahannam se aazaad kar de.

Hamein duniya se amn o amaan ke saath uthaana

aur Jannat mein sehat o salaamati ke saath daakhil kar dena.

Hamaari du'a ki ibtida falaah ko

aur darmiyaani hissa kaamyaabi ko

aur aakhri hissa salaah ko qaraar de de.

Tu tamaam ghaib ka jaan-ne waala hai.

Ay gardonon ke Jahannam se aazaad karne waale

Mera sawaal yeh hai ke Muhammad (S.A.W.) o Aal-e-Muhammad (A.S.) par rehmat naazil farma

aur meri gardan ko aatish-e-Jahannam se aazaad kar de.

Mujhe duniya se sahih o saalim uthaana

aur Jannat mein amn o amaan ke saath daakhil kar dena.

Hamaari ibtida ko falaah

aur darmiyaani

aur aakhir ko salaah qaraar de de.

ke tu hi har ghaib ka jaan-ne waala hai.