Tu Muhammad (S.A.W.) o Aal-e-Muhammad (A.S.) par rehmat naazil farma aur mere maqaasid ko poora kar de.

Ay woh Khuda jiski soorat auhaam se buzurg tar

jiske sifaat ka noor buland tar

aur jo makhlooqaat ki du'a mein unke qareeb tar hai.

Ay woh Khuda jisse muztar log du'a karte hain

aur sada uski panaah mein aate hain.

Momineen us se sawaal karte hain.

Uske shaakir bande,

aur mukhlis bande uski ibaadat karte hain.

Khoodaya tere roshan noor

Hazrat Musa (A.S.) bin Ja'far (A.S.) ke haqq ka waasta ke

jin ke zariye se main tujh se qareeb hona chahta hoon

aur unhein apni haajaton mein muqaddam karta hoon,

Tu Muhammad (S.A.W.) o Aal-e-Muhammad (A.S.) par rehmat naazil farma aur meri haajaton ko poora kar.