Ay behtareen woh Zaat jisse du'a ki jaati hai,

Ay behtareen ataa karne waale,

Ay behtareen mas'ool,

Ay woh jiske naam se din ki roshni

aur raat ki taariki hai

aur jiske naam se sailaab aate hain

aur jisne apne Awliyaa ko har neki ka rizq inaayat farmaaya hai

aur Ay woh jiska noor aasmaanon se buland aur zameenon se baala tar hai.

Sharq o gharb ko uski rehmat haawi hai.

Ay behtareen karam karne waale

Main tujh se Hazrat Ali (A.S.) bin Musa (A.S.) ar-Rizaa

Alaihimus Salaam ke waaste se

aur unhein muqaddam karke sawaal karta hoon ke

Muhammad (S.A.W.) o Aal-e-Muhammad (A.S.) par rehmat naazil farma aur hamaari haajaton ko poora farma.