Khudaaya balaa'ein 'azeem ho ga'i hain,

parday uṭh ga'ay hain

aur itmaam-e-hujjat waazeh ho gaya hai

aur zameen aasman ki wus'at kay baa-wujood tang ho ga'i hai

aur ab teri hi baargaah mein faryaad hai

aur har shiddat-o-bad haali mein tujh hi par bharosa hai.

Muhammad (S.A.W.W.)-o-Aal-e-Muhammad (S.A.W.W.) par rehmat naazil farma

jin ki itaa'at ka hukm diya hai

aur zuhoor-e-Qaa'im kay zariyeh un kay sukoon mein 'ajalat farma

aur un kay i'zaaz ko zaahir farmaa day.

Ay Muhammad (S.A.W.W.) Ay Ali ('A.S.)

Ay Ali ('A.S.) Ay Muhammad (S.A.W.W.)

meray liye kaafi ho jaa'ein kay aap hi kaafi hain.

Ay Muhammad (S.A.W.W.) Ay Ali ('A.S.)

Ay Ali ('A.S.) Ay Muhammad (S.A.W.W.)

aap donon hamaari madad karain kay aap hi madadgaar hain.

Ay Muhammad (S.A.W.W.) Ay Ali ('A.S.)

Ay Ali ('A.S.) Ay Muhammad (S.A.W.W.)

aap hamaari hifaazat karain kay aap hi hamaaray muhaafiz hain

Ay Mawla Ay Saahib uz-Zamaan ('A.J.)

Ay meray Aaqaa, Ay Saahib ul-'Asr,

Ay meray Sardaar Ay Saahib uz-Zamaan ('A.J.)

Faryaad Faryaad Faryaad

aap hamaari madad karain hamaari madad karain hamaari madad karain

Amaam Amaam Amaam dein.