Qaid Khaana se Aazaadi ki Du'a.

(Saiyyad bin Taa’oos ne Muhaj-ud-Da’waat mein farmaaya hai ke riwayat mein waarid hua hai ke ek shakhs ek muddat tak Shaam mein giraftaar tha to us ne Janaab Faatimah Salaam-Ullah-Alaiha ko khwaab mein dekha ke aap ne farmaaya yeh du’a paṛho. Chunaanche us ne is du’a ko paṛha aur qaid khaanah se azaad ho kar apne ghar chala gaya. Du’a yeh hai)

Khudaya Arsh aur Saahib-e-Arsh ka waasta,

Wahi aur Wahi naazil karne waale ke haqq ka waasta,

Paighambar-e-Islam (SAW) aur un ko Paighambar (SAW) banaane waale ke haqq ka waasta,

Khaana-e-Ka’bah aur us ke Mi’maar ka waasta,

Ay har aawaaz ke sun’ne waale,

Har gumshudah ke jama’ karne waale,

Maut ke ba’d zindagi dene waale,

Muhammad (SAW) wa Aal-e-Muhammad (SAW) par rehmat naazil farma

Aur hameiñ aur tamaam Momineen-o-Mominaat ko

Sharq-o-gharb-e-aalam mein

Kushaa’ish-e-haal fauran ataa farma.

Tujhe waasta Laa Ilaaha Illallaah

Aur Muhammadur Rasoolullah ki shahaadat ka.

Teri rehmat Paighambar

Aur un ki Aal-e-Tayyibeen-o-Taahireen par

Aur un sab par tera be-hisaab salaam.