زیارت شب و روز مبعث

(زیارت شب و روز مبعث: ۲۷؍ رجب کی رات اور دن کی تین زیارتیں ہیں:)

(۱)زیارت رجبیہ

جو ماہ رجب کے اعمال میں گذر چکی ہے اور وہ زیارت وہ ہے جو ماہ رجب میں جملہ مشاہد مشرفہ میں پڑھی جاتی ہےلیکن صاحب مزار قدیم اور شیخ محمد بن مشہدی نے اس زیارت مخصوصہ مبعث قرار دیا ہے اور جب اس زیار ت کو پڑھے تو فرمایا ہے کہ اس کے بعد دو رکعت نماز زیارت بجا لائے اور جو چاہے دعا کرے۔)

(۲)زیارت

ہے۔ کو علامہ مجلسیؒ نے تحفہ کی ساتویں زیارت قرار دیا ہے اور صاحبِ مزار ِ قدیم نے کہا ہے کہ وہ مخصوص ہے ۲۷؍ رجب کی شب جیسا کہ ہم نے ہدیۃ الزائرین میں ذکر کیا ہے۔</font>

(۳)وہ زیارت جسے شیخ مفیدؒ و سیدؒ اور شہیدؒ نے نقل کیا ہے کہ جب شب مبعث یا روز مبعث امیرالمومنینؑ کی زیارت کرنا چاہے تو قبر کے سامنے درِ روضۂ شریف پر کھڑا ہو کر یوں کہے۔)

<font color="#480607">میں گواہی دیتا ہوں کہ اللہ کے علاوہ کوئی معبود نہیں ہے، وہ ایک ہے اس کا کوئی شریک نہیں ہےاور میں گواہی دیتا ہوں کہ محمدؐ اس کے بندہ اور رسولؐ ہیں اور علیؑ بن ابی طالبؑ اللہ کے بندہ اور اس کے رسولؐ کے بھائی ہیں اور ان کی اولاد میں ائمہ طاہرینؑ اللہ کی حجت ہیں اس کی مخلوق پر۔ </font>

(اندر داخل ہو کر قبر امام کے پاس کھڑے ہو کر قبر کی طرف رخ کر کے اور پشت بقبلہ ہو کر سو مرتبہ

اَلله اَكْبَرُ

کہے اور پڑھے۔)

<font color="#480607">سلام ہوآپ پر اے اللہ کے خلیفہ آدمؑ کے وارث۔ سلام ہو آپ پر اے نوحؑ صفی اللہ کے وارث۔سلام ہو آپ پر اے خلیل خدا ابراہیمؑ کے وارث۔ سلام ہو آپ پر اے کلیم خدا موسیٰؑ کے وارث۔ سلام ہو آپ پر اے روح ِ خدا عیسیٰؑ کے وارث۔ سلام ہو آپ پراے اللہ کے رسولوں کے سردار محمدؐ کے وارث۔سلام ہو آپ پر اے امیرالمومنینؑ۔ سلام ہو آپ پر اے متقیوں کے امام۔سلام ہو آپ پر اے وصیوں کے سردار۔ سلام ہو آپ پر اے عالمین کے پروردگار۔ سلام ہو آپ پر اے اولین و آخرین کے علم کے وارث۔ سلام ہو آپ پراے خبر عظیم۔ سلام ہو آپ پر اے صراطِ مستقیم۔ سلام ہو آپ پر اے پاکیزہ سیرت پسندیدہ خدا۔ سلام ہو آپ پر اے روشن چاند۔ سلام ہو آپ پر اے صدیق اکبر۔ سلام ہو آپ اے فاروق اعظم۔ سلام ہو آپ پراے روشن چراغ سلام ہو آپ پر اے ہدایت کے امام۔ سلام ہو آپ پر اے تقویٰ کی نشانی۔ سلام ہو آپ پر اے اللہ کی بزرگ حجت۔ سلام ہو آپ پر اے اللہ کے خاص و خاص بندے اور اللہ کے امین و برگزیدہ اور اللہ کے دروازہ اور حجت اور حکم خدا اور اس کے راز کا معدن اور علمِ خدا کے مخزن اور اللہ کے سفیر اس کی مخلوق کی طرف۔ میں گواہی دیتا ہوں کہ آپ نے نماز قائم کی، زکوٰۃ ادا کی اور امر بالمعروف اور نہی عن المنکر کیا۔ اور رسول کا اتباع کیا اور قرآن کی تلاوت کی جو حق تلاوت تھا اور اللہ کی طرف کے پیغام کو پہنچایا اور عہد الٰہی کو پورا کیا اور آپ کے ذریعہ کلمات الٰہی مکمل ہوئے اور آپ نے نفس کو صبرو تحمل کے ساتھ دین خداکے لئے جہاد کرتے ہوئے پیش کر دیا رسولؐ اللہ کو بچانے کے لئے اللہ سے جزا طلب کرتے ہوئے جس کا وعدہ خدا نے کیاہے اس کی طرف راغب ہوتے ہوئے اور جس دین پرتھے اسی پر زندگی گذاری شاہد اور مشہود ہونے کی حالت میں۔ اب خدا آپ کوجزا دے اپنے رسول کی طرف سے اور اسلام کی طرف سے اور اہلِ اسلام کی طرف سے صدیقین کی بہترین جزا۔ میں گواہی دیتا ہوں کہ آپ اسلام کے لحاظ سے سب سے مخلص اور یقین میں سب سے مضبوط اور اور اللہ کا سب سے زیادہ خوف رکھنے والے اور سب سے افضل اور شرافت میں سب سے عظیم اور درجہ میں سب سے بلند تر اور منزلت میں سب سے زیادہ شرف والے۔ او ر سب سے زیادہ عزّت والے تھے۔ آپ اس وقت قوی رہے جب سب کمزور تھے اور آپ رسولؐ اللہ کے طریقہ سے وابستہ رہے اور میں گواہی دیتا ہوں کہ آپ رسولؐ کے خلیفہ برحق ہیں جس میں کوئی نزاع نہیں ہو سکتی۔ منافقین کی ناپسندیدگی، کافروں کے غیظ اور فاسقوں کے کینہ کے باوجود اور آپ نے امر دین کے ساتھ قیام کیا جب لوگ سست پڑ گئے اور اس وقت بولے جب لوگ گونگے ہو گئے اور نور خدا کے ساتھ چلتے رہے جب لوگ رک گئے جس نے آپ کا اتباع کیا اس نے ہدایت پائی۔ آپ کلام میں سب سے پہلے اور معرکوں میں سب سے سخت گفتگو میں سب سے صحیح اوررائے میں سب سے مضبوط اور دل کے سب سے بہادر، یقین میں سب سے زیادہ اور عمل میں سب سے اچھے اور امور کے سب سے زیادہ اور عمل میں سب سے اچھے اورامور کے سب سے زیادہ جاننے والے تھے۔ آپ مومنوں کے لئے رحم دل باپ تھے جب وہ آپ کے عیال میں شامل ہو گئے تو آپ نے ان بوجھوں کو اٹھالیا جس کو اٹھانے کی ان میں توانائی نہ تھی اور آپ نے اس کو محفوظ کیا جس کو انھوں نے ضائع کیا اور آپ نے اس کی رعایت کی جس کو انھوں نے چھوڑ دیا۔ آپ ڈٹے رہے جب لوگ ڈرتے رہے اور آپ نے بلند ہمت دکھائی جب لوگ جزع و فزع کر رہے تھے اور آپ نے صبر کیا جب لوگوں نے فریاد کی۔ آپ کافروں کے لئے سخت عذاب اور دردناک سزا تھے اور مومنوں کے لئے بارش، ہریالی اور علم تھے۔ آپ کی حجت کند نہیں ہوئی اور آپ کا دل کج نہیں ہوا۔ آپ کی بصیرت کمزور نہیں ہوئی۔ آپ کا نفس ڈرا نہیں۔ آپ اس پہاڑ کی طرح تھے جس کو تیز ہوا ہلا نہیں سکتی اور آندھیاں اس کو زائل نہیں کیر سکتیں۔ آپ ویسے قوی بدن تھے جیسا کہ رسول اللہ صلی اللہ علیہ و آلہٖ نے فرمایا تھا اور اپنے نفس میں متواضع تھےاور خدا کے نزدیک عظیم تھے۔ زمین میں کبیر تھے اور آسمان میں جلیل تھے۔ آپ کے بارے میں کسی کے لئے نکتہ چینی کا مقام نہیں ہے۔ اور نہ کسی کہنے والے کے لئے اشارہ ہے اور نہ کسی مخلوق کو غلط طمع ہے اور نہ کسی کےلئے کوئی بیجا امید ہے۔ آپ کےنزدیک ہر ضعیف و کمزور و ذلیل، قوی اور عزیز رہتا ہے یہاں تک کہ آپ اس کے لئے اس کا حق لے لیں اور قوی عزت اور آپ کے نزدیک سب برابر ہیں۔ آپ کی شان حق، صدق اور نرمی ہے اور آپ کا قول حکم اور حتمی ہے اور آپ کی رائے علم اور عزم ہے۔ آپ کے ذریعہ دین استوار ہوا۔ آپ کے ذریعہ امر سخت آسان ہوا۔ آپ کے ذریعہ آگ بجھائی گئی اور آپ کے ذریعہ ایمان قوی ہوا۔ آپ کے ذریعہ اسلام مضبوط ہوا۔ اور آپ کی مصیبت نے مخلوق کو بے جان کر دیا۔ پس ہم اللہ کے لئے ہیں اور اس ی کی طرف لوٹیں گے۔ اللہ کی لعنت ہواس پر جس نے آپ کو قتل کیا اور اللہ کی لعنت ہو اس پر جس نے آپ کی مخالفت کی اور اللہ کی لعنت ہو آپ پر افترا کرنے والے پر اور اللہ کی لعنت ہو آپ پر ظلم کرنے والے، آپ کے حق کے غصب کرنے والے پر۔ اللہ کی لعنت ہو اس امت پر جس نے آپ کی مخالفت کی اور انکار کیاآپ کی ولایت کا اور آپ پر حملہ کیا اور آپ کو قتل کیا اور آپ سے انحراف کیا اور آپ کو چھوڑ دیا۔ ساری حمد اللہ کے لئے ہے جس نے جہنم کو ان کا ٹھکانہ بنایا اور بدترین ورود کی جگہ ہے۔ میں گواہی دیتا ہوں آپ کے لئے اے ولی خدا اور ولی رسولؐ خدا تبلیغ دین کرنے اور امانت دین کے ادا کرنے کی اور میں گواہی دیتا ہوں کہ آپ اللہ کے دوست اور اور اس کا دروازہ ہیں اور آپ اللہ کے بندہ اور رسول اللہ کے بھائی ہیں۔ میں آپ کے پاس آیا ہوں زیارت کے لئے آپ کی عظیم حالت اور منزلت کی وجہ سے خدا اور رسول خداکے نزدیک۔ اللہ سے قربت چاہتے ہوئے آپ کی زیارت کے ذریعہ آپ کی شفاعت کی رغبت لئے ہوئے۔ میں آپ کی شفاعت کے ذریعہ اپنی گلو خلاصی چاہتا ہوں اور آپ کے ذریعہ جہنم سے پناہ چاہتے ہوئے، اپنے گناہوں سے بھاگتے ہوئے جس نے میری پیٹھ کو سنگین کر دیا ہے آپ کی طرف فریاد کرتے ہوئے اپنے رب کی رحمت کی امید لگائے آپ کے پاس آیا ہوں کہ اے میرے مولا آپ کے ذریعہ شفاعت طلب کروں اللہ کی طرف اور آپ کے ذریعہ اس سے تقرب حاصل کروں تا کہ وہ آپ کے واسطہ سے میری حاجت کو پورا کر دے تو اب اے امیرالمومنینؑ میرے لئے اللہ کی طرف شفیع ہو جائیں۔ میں اللہ کا بندہ آپ کا دوست اور زائر ہوں اور اللہ کے نزدیک آپ کے لئے مشہور مقام اور عظیم مرتبہ اور بڑی شان اور مقبول شفاعت ہے۔ خدایا درود نازل کر محمدؐ و آل محمدؐ پر اور درود نازل کر اپنے بندہ اپنے کامل امین اور اپنے رشتہ محکم اور بلند ہاتھ اور کلمہ حسنیٰ اور تمام مخلوقات کے لئے اپنی حجت، صدیق اکبر پر اور وصیوں کے سردار پر ولیوں کے رکن اور برگزیدہ لوگوں کے ستون، مومنوں کے امیر اور متقیوں کے سردار اور صدیقین کے رہنما اور صالحین کے امام پر۔ جو لغزشوں سے معصوم اور خلل سے دور اور عیب سے پاکیزہ اور شک سے منزہ ہیں۔ جو تیرے نبی کے بھائی اور تیرے رسول کے وصی ہیں۔ جو ان کے بستر پر سونے والے اور اپنے نفس سے ان کا دفاع کرنے والے اور ان سے پریشانی اور غم کو دور کرنے والے ہیں جن کو تو نے ان کی نبوت کی تلوار اور ان کی رسالت کا معجزہ اور ان کی محبت کے لئے واضح دلیل اور ان کے علم کا اٹھانے والا اور جان کا محافظ اور امت کا ہادی اور قوت بازو اور تاج سر اور باب نصرت اور کامیابی کی کلید قرار دیا ہے۔ یہاں تک کہ اس نے شرک کے لشکر کو شکست دے دی تیری مدد سے اور کفر کے سپاہیوں کو نابود کر دیا تیرے حکم سے اور تیری اور تیرے رسولؐ کی مرضی کے لئے نفس کو قربان کر دیااور نفس کو وقف کر دیا اس کی اطاعت کے لئے اور مصیبتوں کے لئے سیر بنا دیا یہاں تک کہ رسولؐ اللہ نے ان کے ہاتھوں جان جانِ آفریں کے حوالہ کی۔ اور انھوں نے ان کے سرد شدہ جسم کی خنکی کو لے کر اپنے چہرہ پر مل لیا اور ان کی مدد تیرے فرشتوں نے کی۔ رسولؐ کے غسل اور تجہیز میں اور انھوں نے نمازِ میت پڑھا اور ان کو سپرد خاک کیا اور ان کے قرض کو ادا کیا اور ان کے وعدہ کو پورا کیا اور ان کے عہد کو لازم رکھا اور انھیں کے نقش قدم پر چلتے رہے اور ان کی وصیت کو محفوظ کیا اور جب مددگار پا لئے تو اٹھ کھڑے ہوئے خلافت کے وزن کو اٹھائے ہوئے اور امت کے بار کو سنبھالے ہوئے۔ انھوں نے ہدایت کا علم تیرے بندوں میں نصب کیا اور لباس امن کو تیرے شہروں میں پھیلا دیا اور تیری مخلوق میں عدل کو رائج کر دیا اور تیری مخلوق میں تیری کتاب کے ذریعہ فیصلہ و حکم نافذ کیا، حدوں کو قائم کیا اور کفر کا قلع قمع کیا اور کینہ کی اصلاح کی اور فتنہ کو ساکن کر دیا اور کمزوری کو ختم کیا۔ رخنوں کو بند کیا اور ناکثین و قاسطین سے جنگ کی اور رسولؐ اللہ کے طریقہ پر قائم رہے اور لطف صورت اور جمال سیرت پیغمبر پر قائم رہے۔ ان کی سنت کی اقتدا کرتے رہے۔ ان کے عزم سے وابستہ رہے۔ ان طریقہ پرباقی رہے اور رسولؐ کے کردار کو ہمیشہ پیش نظر رکھا۔ تیرے بندوں کو ان پر آمادہ کرتے رہےاور ان کی طرف بلاتے رہے یہاں تک کہ ان کی ڈاڑھی ان کے سر کے خون سے خضاب کر دی گئی۔ خدایا جس طرح انھوں نے یقین کے مقابلہ میں تیری اطاعت میں شک کو راہ نہ دی اور چشم زدن کے لئے بھی شرک نہیں کیا تو تو بھی ان پر درود نازل کر پاکیزہ وافزودہ درود جس کی وجہ سے وہ تیری جنت میں نبوت کی منزل سے ملحق ہو جائیں اور ہمارا سلام و تحیت بھی ن تک پہنچا دے اور ہم کو اپنے فضل و احسان و مغفرت و رضوان کو ان کی محبت کے طفیل میں اپنے پاس سے عطا کر کہ تو بڑے فضل والا ہے اپنی رحمت سے اے سب سے زیادہ رحم کرنے والے۔</font>

(پھر ضریح کا بوسہ لے اور پہلے داہنے رخسارہ کو رکھے پھر بائیں رخسارہ کو رکھے اور پھر سمت قبلہ متوجہ ہو اور نماز زیارت بجا لائے اور نماز کے بعد جو چاہے دعا کرے اور تسبیح زہرا کےبعد کہے۔)

<font color="#480607">خدایا تو نے مجھے اپنے نبی و رسولؐ محمد کی زبان سے بشارت دی ہے (تیرا درود ہو ان پر اور ان کی آل پر)کہ<font color="#480607">بشارت دے دو ایمانداروں کو کہ ان کے لئے قدمصدق جنت میں ہے۔</font> خدایا میں تیرے تمام نبیوں اور سولوں پر ایمان لایا ہوں۔(تیرا درود ہو ان سب پر)تو مجھ کوان کی معرفت کے بعد کسی موقف میں نہ ٹھہرانا جہاں تو مجھ کو رسوا کر دے سب لوگوں کے سامنے بلکہ ان کے ساتھ ٹھہرانا اور مجھ کو ان کی تصدیق پر موت دینا۔ خدایا تو نے ان کو اپنی عزت سے مخصوص کیا ہے اور ہم کو ان کے اتباع کا حکم دیا ہے۔ خدایا میں تیرا بندہ اور تیرا زائر ہوں اور تیرے رسولؐ کے بھائی کی زیارت کے ذریعہ تیری قربت چاہتا ہوں اور ہر اس شخص پر جس کے پاس آیا جائے اور جس کی زیارت کی جائے حق ہوتا ہے اس کا جو آئے اور زیارت کرے اور تو بہترین وہ ہے جس کے پاس آیا جائے اور ان سب سے زیادہ کریم ہے جن کی زیارت کی جائے میں تجھ سے سوال کرتا ہوں اے خدائے رحمان اے رحیم، اے جواد، اے ماجد، اے یکتا، اے بے نیاز، اے وہ جس کاکوئی فرزند نہیں اور جو کسی کا فرزند نہیں ہے اور جس کاکوئی ہمسر نہیں ہے اور کوئی شریک زندگی نہیں ہے اور نہ اولاد ہے کہ تو رحمت ناز ل کر محمدؐ و آل محمدؐ پر اور آج اپنے رسولؐ کے بھائی کی زیارت کے عوض یہ تحفہ قرار دے کہ مجھ کو جہنم سے نجات عطا کر دے اور مجھ کو ان لوگوں میں قرار دے دے جو نیکیوں کی طرف جلدی کرنے والے ہیں اور جو تجھے شوق و خوف کے عالم میں پکارتے ہیں اور مجھ کو خضوع و خشوع کرنے والوں میں قرار دے دے۔ خدایا تو نے مجھ پر احسان کیا ہے میرے مولا علیؑ بن ابی طالبؑ کی زیارت اور ولایت و معرفت کے ذریعہ، تو مجھ کو ان میں سے قرار دے دے جو ان کی مدد کرتے ہوں اور ان سےمدد طلب کرتے ہوں اور مجھ پر احسان کر اپنے دین کی نصرت کے لئے خدایا مجھ کو ان کے شیعوں میں قرار دے دے اور مجھے ان کے دین پر موت دینا۔ خدایا میرے لئے رحمت، رضوان، مغفرت، احسان اور وسعت رزق حلال و پاکیزہ کو لازم کر دے جس کا تو سب سے زیادہ اہل ہے اے سب سے زیادہ رحم کرنے والے اور حمد تو بس خدائے رب العالمین کے لئے ہے۔</font>

(روایت معتبر میں منقول ہے کہ حضرت خضر روز شہادت امیرالمومنینؑ گریہ کرتے ہوئے اور انا للہ پڑھتے ہوئے تیزی سے آئے اور دروزۂ امیرالمومنینؑ پر کھڑے ہو کر کہنے لگے۔)

<font color="#480607">خدا آپ پر رحمت نازل کرے اے ابو الحسن آپ اسلام میں سب سے سابق اور ایمان میں خالص اور یقین میں سب سے مضبوط اور سب سے زیادہ خوف خدا رکھنے والے تھے۔</font>

(اور پھر بہت سے فضائل امیرالمومنینؑ کو گنا یا جو ان لفظوں سے قریب تر تھے جو اس زیارت میں مذکور ہیں تو اگر اس روز یہ زیارت بھی پڑھی جائے تو مناسب ہے اور ان کلمات کی اصل جو بمنزلہ زیارت روز شہادت ہے اس کو میں نے ہدیہ میں ذکر کر دیا ہے۔ جو شخص چاہے اس کی طرف رجوع کر سکتا ہے۔ اور یہ بھی واضح رہے کہ ہم نے اس سے قبل اعمال شب مبعث کے ضمن میں سفر نامہ ابن بطوطہ کا اقتباس بھی نقل کیا ہے جو اس روضہ سے متعلق تھا، اس کی طرف بھی رجوع کرنا مناسب ہے۔)