Ay har masnoo' kay banaanay waalay

har shikastah kay joṛnay waalay,

har ijtimā' kay haazir,

har najwaa kay gawaah

har makhfi baat kay jaan'nay waalay,

har jagah haazir rehnay waalay,

har ek par ghaalib aanay waalay

sab say qareeb rehnay waalay,

har tanhaa kay moonis,

Ay Hayy-o-Qayyoom jo murdon ko zindagi

aur zindon ko maut denay waala hai

aur har nafs kay a'maal ki nigehbaani karnay waala hai

Ay woh zindah jo is waqt bhi zindah thaa jab koi zi hayaat nah thaa.

Teray 'ilaawah koi Khuda nahin hai,

Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.