Şeyx Tusi İmam Zamanın (ə.f) xüsusi naiblərindən biri olan Şeyx Əbul-Qasim Hüseyn ibn Ruhdan nəql edir ki, İmam Zaman (ə.f) rəcəb ayının günlərində bu duanı oxumağı buyurmuşdur:

<font color="000000"><b>Ey Allahım, Səndən istəyirəm rəcəb ayının iki mövludu – ikinci Məhəmməd ibn Əli (İmam Cavad (ə)) və onun övladı seçilmiş imam Əli ibn Məhəmmədə xatir, onların ikisi vasitəsilə Sənə ən yaxşı şəkildə yaxınlaşıram; ey o kəs ki, yaxşılıq Ondan istənilir və Onun dərgahında olanlar arzulanır; Səndən zalım bir günahkarın istədiyi kimi istəyirəm: o kəs ki, günahları onu həlak və eyibləri onu əsir etmişdir, günah işlətməsi və müsibətlərə düçar olması uzun müddət sürmüşdür; o Səndən tövbə etməyə müvəffəq olmağı və (Sənə tərəf) gözəl qayıdışı, günahdan ayrılmağı, cəhənnəm odundan azad olmağı və boynunda olan xətaların bağışlanmasını istəyir; elə isə, Sən, ey mənim Mövlam, onun ən böyük arzusu və dayağısan. Ey Allahım, şərəflilərin istəkləri və ali vəsilələrinə xatir Səndən istəyirəm ki, məni bu ayda geniş rəhmətinə və günahlardan çəkindirən nemətinə qərq edəsən, mənə elə bir nəfs əta edəsən ki, ona verdiyin ruziyə qəbrə, əbədi məkana və son mənzilə enənə qədər qane olsun. </b></font>