خدایا میں تجھ سے سوال کرتا ہوں ان دو افراد کے واسطہ سے جو ماہِ رجب میں پیدا ہوئے ہیں

یعنی حضرت محمدؐ بن علیؑ ثانی امام جواد

اور حضرت علیؑ بن محمدؑ امام نقی

اور انھیں کے ذریعہ تیری بارگاہ میں بہترین قُرب چاہتا ہوں۔

اے وہ خدا جس سے نیکیوں کو طلب کیا جاتا ہے

اور جس کے ثواب کی رغبت پیدا کی جاتی ہے

اور جس سے اس بندہ کی طرح سوال کررہا ہوں جو گنہگار ہے

اور جس کو گناہوں نے ہلاک کردیا ہے

اور کمزوریوں نے گرفتار کرلیا ہے۔

اب مسلسل خطائیں کیے جارہا ہے

اور اس کے مصائب میں اضافہ ہوتا جارہا ہے

تیرا بندہ تجھ سے توبہ کا طلب گار ہے

اور حسن قبول کا امیدوار ہے

اور چاہتا ہے کہ گناہوں سے نکل آئے

اور اس کی گردن جہنّم سے آزاد ہوجائے

اور جو بھی اس کے ذمّہ گناہ ہیں

وہ معاف ہوجائیں اس لیے کہ تو میرے مالک عظیم ترین امید اور قابلِ اعتبار ہے

خدایا میں سوال کررہا ہوں کہ تجھ سے شریف ترین وسائل

اور بلند ترین اسباب کے ذریعہ

مجھے اس ماہ میں اپنی رحمت سے ڈھانک لے اور بے پایاں نعمت عطا کر

وہ نفس دے

جو تیرے رزق سے راضی رہے

جب تک یہ قبر کے گڑھے،

اور آخرت کی منزل تک نہ پہنچ جائے

جہاں تک بہرحال سب کو جانا ہے۔