Parwardigaar mera zulm teri mu'aafi ki panaah mein hai

aur mere gunaah tere maghfirat ke panaah mein hain,

Mera khauf teri amaan ke panaah mein hai

aur meri zillat teri izzat ki panaah mein hai,

Mera fakhr teri be-niyaazi ki panaah mein hai,

Mera boseedah chehra tere baaqi rehne waale chehre ki panaah mein hai.

Khoodaya mujhe libaas-e-aafiyat ataa farma,

apni rehmat se dhaanp le,

apni karaamat ataa farma

aur apni makhlooq mein jinn o ins sab ke shar se mehfooz rakhna.

Woh Allah hai Rahmaan hai woh Raheem hai.

Aur aaftaab nikalne se pehle aur uske doobne ke baad apne Rabb ki tasbeeh karte rahein

Ay woh jisne Hazrat Muhammad

sallalaho alaihi wa aalihi wa salaam par

Nubuwwat khatm farmaayi mere aaj ke din ko khair par khatm kar,

is maheene ko

is saal ko

aur meri zindagi khair par khatm farmana.

Main apne nafs, apne ahal,

apne maal o aulaad sab ko bachaana chahta hoon

har ghaa'ib o haazir se

us Allah ke sahaare jiske ilaawa koi Khuda nahin hai.

Woh ghaa'ib o haazir ka jaan-ne waala,

Rahmaan o Raheem,

Hayy Qayyoom hai

jiske liye na neend hai na oongh.