تعقیبات، مشترکہ

مشترکہ تعقیبات کے بارے میں

(مصباح شیخ طوسی میں نقل کیا گیا ہے کہ جب نماز کا سلام تمام ہو جائے تو تین مرتبہ اللہ اکبر کہے اور ہر مرتبہ اپنے ہاتھوں کو کانوں تک بلند کرے اور اس کے بعد یہ دعا پڑھے):۔

اللہ کے علاوہ کوئی خدا نہیں ہے،

وہ اکیلا خدا ہے

اور ہم اسی کے اطاعت گذار ہیں۔

اللہ کے علاوہ کوئی خدا نہیں ہے

اور ہم اس کے علاوہ کسی کی عبادت نہیں کرتے ہیں۔

دین میں اسی کے مخلص ہیں

چاہے یہ بات مشرکین کو کتنی ہی ناگوار کیوں نہ ہو۔

اللہ کے علاوہ کوئی خدا نہیں ہے۔

وہی ہمارا اور ہمارے تمام گذشتہ آباء و اجداد کا پروردگار ہے۔

اس کے علاوہ کوئی خدا نہیں ہے۔

وہ اکیلا ہے، یکتا ہے، تنہا ہے۔

اس نے اپنے وعدے کو پورا کیا ہے

اور اپنے بندے کی مدد کی ہے،

اپنے لشکر کی نصرت کی ہے

اور تمام دشمنوں کے لشکروں کو شکست دی۔

سارا ملک اسی کے لئے ہے اور ساری حمد اسی کے لئے ہے۔

وہ زندگی کے بعد موت

اور موت کے بعد زندگی کا دینے والا ہے۔

ایسا زندہ ہے جس کے لئے موت نہیں ہے

اور سارا خیر اسی کے ہاتھوں میں ہے

اور وہ ہر شئی پر قادر ہے۔

میں اسی سے استغفار کر رہا ہوں کہ اس کے علاوہ کوئی خدا نہیں ہے۔

وہ زندہ و پائندہ ہے اور میں اسی کی بارگاہ کی طرف متوجہ ہوں۔

خدایا مجھے اپنی بارگاہ سے ہدایت فرما۔

اپنا فضل و کرم میرے شامل حال کردے

اور اپنے دامن رحمت کو میرے اوپر پھیلا دے

اور اپنی برکتیں میرے اوپر نازل کر دے

تو بے نیاز ہے۔ تیرے علاوہ کوئی خدا نہیں ہے۔

تو میرے تمام گناہوں کو بخش دے کہ

تیرے علاوہ کوئی ان تمام گناہوں کو بخشنے والا نہیں ہے۔

خدایا میں تجھ سے ہر اس خیر کا طلبگار ہوں جو تیرے علم میں ہے

اور ہر اس شئے سے تیری پناہ چاہتا ہوں جو تیرے علم میں ہے۔

خدایا میں اپنے جملہ امور میں تجھ سے عافیت چاہتا ہوں۔

دنیا کی رسوائی اور آخرت کے عذاب سے تیری پناہ چاہتا ہوں

تیری کریم ذات

اور تیری اس عزت کے واسطے سے جس تک کسی کی رسائی نہیں ہے

اور اس قدرت کے واسطے سے جس سے کوئی چیز بچ کر جا نہیں سکتی ہے۔

دنیا اور آخرت کے شر سے

اور تمام درد وآلام

کے شر سے تیری پناہ چاہتا ہوں۔

بے شک میرا رب صراط مستقیم پر ہے۔

خدائے علی و عظیم کے علاوہ نہ کوئی طاقت ہے اور نہ کوئی قوت ہے۔

میرا اعتماد اسی مالکِ حیات پر ہے جس کے لئے موت نہیں ہے۔

ساری حمد اس اللہ کے لئے جس نے کسی کو اپنا بیٹا نہیں بنایا۔

نہ اسکی سلطنت میں کوئی اس کا شریک ہے

اور نہ کوئی کمزور ہی اس کا مددگار ہے۔

بزرگی اسی کے لئے ہے اور بزرگی سے اسی کو یاد کرنا چاہیے۔

میں گواہی دیتا ہوں کہ اللہ کے علاوہ کوئی خدا نہیں ہے،

وہ اکیلا ہے، اس کا کوئی شریک نہیں ہے،

وہ یکتا و یگانہ

تنہا و بے نیاز ہے۔

اس نے کسی کو نہ اپنا شریک حیات بنایا ہے اور نہ فرزند۔

اللہ پاک و پاکیزہ ہے۔ جب بھی کوئی اس کی تسبیح کرے

اور جس طرح وہ چاہتا ہے کہ اس کی تسبیح کی جائے

اور جس تسبیح کا وہ اہل ہے

اور جو تسبیح اس کی ذات کریم اور اس کے عزت و جلال کے شایانِ شان ہے۔

ساری حمد اللہ کے لئے ہے جب بھی کوئی اس کی حمد کرے

اور جس طرح بھی وہ حمد کو پسند کرتا ہے

اور جس کا وہ اہل ہے

اور جو حمد اس کی ذات کریم اور اس کے عزت و جلال کے لئے مناسب ہے۔

اس کے علاوہ کوئی خدا نہیں ہے جس چیز

سے بھی کوئی اس کی تہلیل کی جائے

اور جس طرح بھی وہ تہلیل کو پسند کرتا ہے

اور جس کا وہ اہل ہے،اور جو تہلیل اس کی ذاتِ کریم اور عزت و جلال کے شایان شان ہے

اللہ بزرگ ہے۔ جب بھی کوئی اس کی بزرگی کا اقرار کرے

اور جس طرح بھی وہ تکبیر کو پسند کرتا ہے

اور جس کا وہ اہل ہے

اور جو تکبیراس کی ذات کریم اور اس کی عزت و جلال کے شایان شان ہے۔

اللہ بے نیاز ہے

اور حمد اس کے لئے ہے۔

اس کے علاوہ کوئی خدا نہیں ہے۔

وہ سب سے بزرگ ہے۔

ہم سب ہر اس نعمت پر جو

اس نے مجھے یا اپنی کسی بھی مخلوق کو عطا کی ہے

جو گذر چکی یا قیامت تک میں ہونے والی ہے۔

خدایا محمدوآل محمد پر رحمت نازل فرما۔

میں خیر بھی چاہتا ہوں جس کی امید رکھتا ہوں

اور وہ خیر بھی جس کا امیدوار نہیں ہوں۔

اس شر سے بھی پناہ چاہتا ہوں جس سے ڈر رہا ہوں

اور اس شر سے بھی جس سے بچتا بھی نہیں ہوں۔

(1) عظیم اور دائمی رحمتوں والے خدا کے نام سے

(2) ساری تعریف اللہ کے لئے ہے جو عالمین کا پالنے والا ہے

(3) وہ عظیم اوردائمی رحمتوں والا ہے

(4) روزِقیامت کا مالک و مختار ہے

(5) پروردگار! ہم تیری ہی عبادت کرتے ہیں ا ور تجھی سے مدد چاہتے ہیں

(6) ہمیں سیدھے راستہ کی ہدایت فرماتا رہ

(7) جو اُن لوگوں کا راستہ ہے جن پر تو نے نعمتیں نازل کی ہیں ان کا راستہ نہیں جن پر غضب نازل ہوا ہے یا جو بہکے ہوئے ہیں

عظیم اور دائمی رحمتوں والے خدا کے نام سے

(255) اللہ جس کے علاوہ کوئی خدا نہیں ہے زندہ بھی ہے اوراسی سے کل کائنات قائم ہے اسے نہ نیند آتی ہے نہ اُونگھ آسمانوں اور زمین میں جو کچھ بھی ہے سب اسی کا ہے. کون ہے جو اس کی بارگاہ میں اس کی اجازت کے بغیر سفارش کرسکے. وہ جو کچھ ان کے سامنے ہے اور جو پبُ پشت ہے سب کوجانتا ہے اور یہ اس کے علم کے ایک حّصہ کا بھی احاطہ نہیں کرسکتے مگر وہ جس قدر چاہے. اس کی کرس علم و اقتدار زمین و آسمان سے وسیع تر ہے اور اسے ا ن کے تحفظ میں کوئی تکلیف بھی نہیں ہوتی وہ عالی مرتبہ بھی ہے اور صاحبِ عظمت بھی

(256) دین میں کسی طرح کا جبر نہیں ہے. ہدایت گمراہی سے الگ اور واضح ہوچکی ہے. اب جو شخص بھی طاغوت کا انکار کرکے اللہ پر ایمان لے آئے وہ اس کی مضبوط رسّی سے متمسک ہوگیا ہے جس کے ٹوٹنے کا امکان نہیں ہے اور خدا سمیع بھی ہے اور علیم بھی ہے

(257) اللہ صاحبانِ ایمان کا ولی ہے وہ انہیں تاریکیوں سے نکال کر روشنی میں لے آتا ہے اور کفارکے ولی طاغوت ہیں جو انہیں روشنی سے نکال کر اندھیروں میں لے جاتے ہیں یہی لوگ جہّنمی ہیں اور وہاں ہمیشہ رہنے والے ہیں

(18) اللہ خود گواہ ہے کہ اس کے علاوہ کوئی خدا نہیں ہے ملائکہ اور صاحبانِ علم گواہ ہیں کہ وہ عدل کے ساتھ قائم ہے- اس کے علاوہ کوئی خدا نہیں ہے اور وہ صاحبِ عزّت و حکمت ہے

(19) دین,اللہ کے نزدیک صرف اسلام ہے اور اہل کتاب نے علم آنے کے بعد ہی جھگڑا شروع کیا ہے صرف آپس کی شرارتوں کی بناﺀپر اور جو بھی آیات الٰہی کا انکار کرے گا تو خدا بہت جلد حساب کرنے والا ہے

(26) پیغمبر آپ کہئے کہ خدایا تو صاحب اقتدار ہے جس کو چاہتا ہے اقتدار دیتا ہے اور جس سے چاہتا ہے سلب کرلیتا ہے- جس کو چاہتا ہے عزّت دیتا ہے اور جس کو چاہتا ہے ذلیل کرتا ہے- سارا خیر تیرے ہاتھ میں ہے اور تو ہی ہر شے پر قادر ہے

(27) تو رات کو دن اور دن کو رات میں داخل کرتا ہے اور مردہ کو زندہ سے اور زندہ کو مردہ سے نکالتا ہے اور جسے چاہتا ہے بے حساب رزق دیتا ہے

(54) بیشک تمہارا پروردگار وہ ہے جس نے آسمانوں اور زمین کو چھ دن میں پیدا کیا ہے اور اس کے بعد عرش پر اپنا اقتدار قائم کیا ہے وہ رات کو دن پر ڈھانپ دیتاہے اور رات تیزی سے اس کے پیچھے دوڑا کرتی ہے اور آفتاب و ماہتاب اور ستارے سب اسی کے حکم کے تابع ہیں اسی کے لئے خلق بھی ہے اور امر بھی وہ نہایت ہی صاحب برکت اللہ ہے جو عالمین کا پالنے والا ہے

(55) تم اپنے رب کو گڑگڑا کراور خاموشی کے ساتھ پکارو کہ وہ زیادتی کرنے والوں کو دوست نہیں رکھتا ہے

(56) اور خبردار زمین میں اصلاح کے بعد فساد نہ پیدا کرنا اور خدا سے ڈرتے ڈرتے اور امیدوار بن کر دعا کرو کہ اس کی رحمت صاحبان حسن و عمل سے قریب تر ہے

(180) آپ کا پروردگار جو مالک عزت بھی ہے ان کے بیانات سے پاک و پاکیزہ ہے

(181) اور ہمارا سلام تمام مرسلین پر ہے

(182) اور ساری تعریف اس اللہ کے لئے ہے جو عالمین کا پروردگار ہے

خدایا محمد ؐ و آل محمد ؐ پر رحمت نازل فرما،

ہمارے امور میں کشائش اور وسعت عطا فرما

اور ہمیں ہر اس جگہ سے رزق عطا فرما جو ہمارے خیال میں ہے یا نہیں بھی ہے۔

اے محمدؐ و آل محمدؐ کے پروردگار

محمدؐ و آل محمدؐ پر رحمت نازل فرما

اور ان کے سکون و آرام میں اضافہ فرما۔

اے صاحب جلال و اکرام

محمدؐ و آل محمدؐ پر رحمت نازل فرما،

اور ہم پر مہربانی کر کے ہمیں جہنم سے پناہ دے دے۔

خدایا میں تیرے پوشیدہ، خزانہ شدہ،

پاک و پاکیزہ اور با برکت نام کے

وسیلہ سے سوال کر رہا ہوں، تجھے تیرے عظیم نام

اور تیری ازلی سلطنت کا واسطہ،

اے عطیہ دینے والے

اور قیدیوں کو آزادی دلانے والے

اور گردنوں کو جہنم سے آزاد کرنے والے

میرا سوال یہ ہے کہ محمدؐ و آل محمدؐ پر رحمت نازل فرما

اور میری گردن کو جہنم سے آزاد کردے

مجھے دنیا سے سلامتی کے ساتھ اٹھانا

اور جنت میں امن و آمان کے ساتھ داخل کر دینا،

ہماری دعا کے جائے آغاز کو نجات،

وسط کو کامیابی

اور آخر کو صلاح قرار دے دے۔

تو ہر غیب کا جاننے والا ہے۔

اے وہ پروردگار جس کو ایک دعا کا سننا دوسری سے روکتا نہیں ہے

اور جس پر طلبگاروں کی طلب مشتبہ نہیں ہوتی ہے

اور جو محتاجوں کے اسرار سے خستہ حال نہیں ہوتا ہے

مجھ کو اپنی معافی کی خنکی

اور مغفرت کی حلاوت کا ذائقہ چکھا دے۔

خدایا یہ میری نماز ہے جو میں نے پڑھ دی ہے۔

نہ تو اس کا محتاج ہے

اور نہ تیری اس میں کوئی رغبت ہے۔

یہ صرف تیری تعظیم، اطاعت

اور تیرے حکم کی تعمیل میں پڑھی گئی ہے۔

خدایا اگر اس میں کوئی خلل ہے، یا اس کے رکوع و

سجود میں کوئی نقص ہے

تو مجھ سے اس کا کچھ مواخذہ نہ کرنا

اور اپنے فضل و کرم سے اسے قبول کر لینا اور میری خطاؤں کو بخش دینا۔

پاک و پاکیزہ ہے وہ جو اپنے اہلِ مملکت پر ظلم نہیں کرتا ہے

اور اہلِ زمین کو طرح طرح کے عذاب میں مبتلا نہیں کرتا ہے۔

تو بے نیاز ہے اے خدائے رؤف و رحیم۔

میرے دل میں نور، بصیرت،

فہم اور علم کو قرار دےدے

کہ تو ہر شئے پر قادر ہے۔

میں اپنے نفس، اپنے دین،

اپنے اہل و عیال، اپنے مال،

اپنے دینی برادران،

اپنے تمام رزق، اپنے اعمال کے خاتمے

اور تمام متعلقین کو

اس خدائے واحد و

احد و بے نیاز کی پناہ میں دیتا ہوں

جس کا نہ کوئی بیٹا ہے اور نہ باپ

اور نہ اس کو کوئی ہمسر ہے۔

وہ خدا ہر شے کا خلق کرنے والاہے اور صبح کے اجالے کا مالک ہے

کہ وہ اپنے مخلوق کے شر سے،

ہر تاریکی کے شر سے

اور گرہوں پر پھونکنے والے تمام جادوں گروں سے

اور ہر حاسد کے حسد سے نجات دے دے۔

میں پناہ چاہتا ہوں اس خدا کی جو انسان کا پروردگار،

بادشاہ اور

مالک ہے

اس شیطان کے وسواس سے

جو لوگوں کے دلوں میں شبہہ پیدا کرتا ہے

چاہے وہ انسان میں ہو یا جنات میں سے۔

خدایا میں اپنے اعمال سے زیادہ تیری مغفرت کی امید رکھتا ہوں۔

تیری رحمت میرے گناہوں سے زیادہ وسعت رکھتی ہے۔

خدایا اگر میرے گناہ عظیم ہیں تو

تیری معافی میرے گناہوں سے بھی عظیم تر ہے،

پروردگار اگر میں اس بات کا اہل نہیں ہوں کہ تیری رحمت تک پہنچ سکوں

تو تیری رحمت خود اس بات کی اہل ہے کہ مجھ تک پہنچ جائے اور میرے شاملِ حال ہو جائے

اس لئے کہ وہ ہر شئے کے شامل حال ہے۔

اے ارحم الراحمین میں تیری رحمت کے واسطے سے یہ سوال کر رہا ہوں۔

خدایا تیرا نام سلام ہے

اور سلامتی تیری ہی طرف سے ہے۔

سلامتی تیرے ہی لئے ہے

اور اس کی بازگشت بھی تیری ہی طرف ہے۔

آپ کو پروردگار وہ ربّ العزت ہے جو لوگوں کے بیان کردہ اوصاف سے پاک و پاکیزہ ہے

اور میرا سلام ہے تمام مرسلین پر

اور ساری حمد ہے خدائے ربّ العالمین کے لئے۔

سلام ہو آپ پر اے پیغمبرؐ

اور خدا کی رحمت و برکت آپ کے لئے ہے۔

سلام ہو ان ائمہ پر جو ہادی بھی ہیں اور مہدی بھی ہیں۔

سلام ہو اللہ کے تمام انبیاء و مرسلین اور ملائکہ پر

سلام ہو ہم پر اور تمام اللہ کے نیک بندوں پر،

سلام ہو امیر المومنین حضرت علیؑ پر،

سلام ہو حسنؑ و حسینؑ پر

جو تمام جوانان جنت کے سردار ہیں،

سلام ہو زین العابدینؑ بن الحسینؑ پر،

سلام ہو باقرؑ علوم انبیاء محمدؑ بن علی ؑ پر،

سلام ہوحضرت جعفرؑ بن محمدؑ صادق پر،

سلام ہو حضرت موسیٰ بن جعفر کاظمؑ پر،

سلام ہو علیؑ بن موسیٰؑ الرضا پر،

سلام ہو محمدؑ بن علیؑ جواد پر،

سلام علیؑ بن ہادیؑ پر،

سلام ہو حسنؑ بن علیؑ زکی عسکریؑ پر،

سلام ہو حضرت حجتہ بن الحسنؑ قائم مہدی ؑپر

اللہ کی رحمتیں ان تمام بزرگواروں کے لئے۔

میں اللہ کی ربوبیت سے،

اسلام جیسے دین سے،

حضرت محمدؐ جیسے پیغمبر

حضرت علیؑ جیسے امام،

حسنؑ و حسینؑ،

علیؑ و محمدؑ،

جعفر ؑ و موسیٰؑ،

علیؑ ومحمدؑ،

علیؑ و حسنؑ

اور حضرت خلف صالحؑ جیسے

ائمہ کی امامت و سیادت و قیادت سے راضی ہوں

ان سے محبت کرتا ہوں اور ان کے دشمنوں سے بیزاری رکھتا ہوں۔

خدایا میں تجھ سے معافی، عافیت

اور دنیاو آخرت میں ہر طرح کی آسائش کا سوال کر رہا ہوں۔