Khudaaya teray saamnay saari aawaazein dab ga'i hain

saari 'aqlein kam ho ga'i hain,

har dil khaufzadah hai,

sab bhaag kar teri hi taraf aa rahay hain.

Saari dunya teray 'ilaawah tang hai.

Teray noor nay har shai' ko bhar diya hai.

Tu apnay jalaal mein buland,

apnay jamaal mein haseen,

apni qudrat mein 'azeem hai.

Tu woh hai jisay koi shai' thakaa nahin sakti hai.

Ay ne'mat kay naazil karnay waalay,

Ay ranj kay door karnay waalay,

Ay haajaton kay poora karnay waalay

meri haajaton ko 'ataa farma day

apni tawheed kay waastay say.

Mein tujh par ikhlaas kay saath Imaan laaya,

teray 'ahd par subh ki aur jahaan tak mumkin hua

us par qaa'im hoon

aur apnay gunaahon say istighfaar kar raha hoon. Jinhein teray 'ilaawah koi nahin ma'aaf kar sakta hai.

Ay woh Khuda jo bulandiyon kay baa-wujood qareeb hai

aur qurbat kay baa-wujood buland hai

aur apni nooraaniyyat mein ziyaa bakhsh hai

aur apni saltanat mein qavi hai

Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.