MÜBAHİLƏ GÜNÜ

Bu gün iki mühüm tarixi hadisənin baş verdiyi gündür:

1. Bu gündə Əmirəl-möminin Əli (ə) rükuda öz üzüyünü yoxsul dilənçiyə verdi. Onun bu xalis əməli barədə "Maidə" surəsinin 55-ci ayəsi nazil oldu: "Həqiqətən sizin vəliniz Allah, Onun Peyğəmbəri və iman gətirənlərdir: o iman gətirənlər ki, namaz qılır və rüku halında zəkat verirlər." Yaxşı olar ki, möminlər də bu günün xatirəsini əziz tutsunlar, Əmirəl-möminin Əlinin (ə) fəzilətlərini bəyan etsinlər, o həzrət kimi yoxsullara və ehtiyaclılara maddi köməklik göstərsinlər.

2. Bu gündə baş verən digər mühüm tarixi hadisə Həzrət Peyğəmbərin (s) Nəcran məsihiləri ilə mübahiləsidir. İslam peyğəmbəri Həzrət Məhəmməd (s) ilə Nəcran məsihiləri arasında İsa peyğəmbər (ə) barəsində uzun sürən söhbətlərdən sonra məsihilər haqqı qəbul etməkdən imtina etdilər və axırda "mübahilə etmək" qərara alındı. (Mübahilə, iki nəfərin bir-birinə lənət yağdırmasıdır, belə ki, kim nahaq danışırsa, Allahın əzabına tuş gəlsin.)

Bu əzəmətli gündə bir neçə əməli yerinə yetirmək tövsiyə olunur:

1) Oruc tutmaq.

2) Qüsl etmək, ən təmiz və gözəl paltarı geyinib ətirlənmək.

3) Zöhrdən yarım saat qabaq iki rəkət namaz qılmaq: hər rəkətdə <font><b><a href="https://www.divinepearls.com/surah1">Fatihədən</a></b></font> sonra on dəfə "İxlas"surəsini, on dəfə "Ayətəl-kürsi"ni və on dəfə "Qədr"surəsini oxuyun. Hədislərin birində İmam Sadiq (ə) bu namaz üçün böyük savablar bəyan etmişdir.

4) İmam Sadiqin (ə) buyurduğu "Mübahilə gününün duası"nı oxumaq:

<font color="000000"><b>Ey Allahım, Səndən istəyirəm ən nurlu nuruna xatir, bir halda ki, bütün nurun nurludur. Ey Allahım, Səndən istəyirəm bütün nuruna xatir. Ey Allahım, Səndən istəyirəm ən cəlalətli cəlalına xatir, bir halda ki, bütün cəlalın cəlalətlidir. Ey Allahım, Səndən istəyirəm bütün cəlalına xatir. Ey Allahım, Səndən istəyirəm ən gözəl gözəlliyinə xatir, bir halda ki, bütün gözəlliyin gözəldir. Ey Allahım, Səndən istəyirəm bütün gözəlliyinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən əzəmətli əzəmətinə xatir, bir halda ki, bütün əzəmətin əzəmətlidir. Ey Allahım, Səndən istəyirəm bütün əzəmətinə xatir. Ey Allahım, Səndən istəyirəm ən nurlu nuruna xatir, bir halda ki, bütün nurun nurludur. Ey Allahım, Səndən istəyirəm bütün nuruna xatir. Ey Allahım, Səndən istəyirəm ən geniş rəhmətinə xatir, bir halda ki, bütün rəhmətin genişdir. Ey Allahım, Səndən istəyirəm bütün rəhmətinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən kamil kamalına xatir, bir halda ki, bütün kamalın kamildir. Ey Allahım, Səndən istəyirəm bütün kamalına xatir. Ey Allahım, Səndən istəyirəm ən kamil kəlmlərinə xatir, bir halda ki, bütün kəlmələrin kamildir. Ey Allahım, Səndən istəyirəm bütün kəlmələrinə xatir. Ey Allahım, Səndən istəyirəm ən böyük adlarına xatir, bir halda ki, bütün adların böyükdür. Ey Allahım, Səndən istəyirəm bütün adlarına xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən izzətli izzətinə xatir, bir halda ki, bütün izzətin izzətlidir. Ey Allahım, Səndən istəyirəm bütün izzətinə xatir. Ey Allahım, Səndən istəyirəm ən keçərli iradənə xatir, bir halda ki, bütün iradən keçərlidir. Ey Allahım, Səndən istəyirəm bütün iradənə xatir. Ey Allahım, Səndən istəyirəm hər şeyi əhatə edən qüdrətinə xatir, bir halda ki, bütün qüdrətin əhatə edəndir. Ey Allahım, Səndən istəyirəm bütün qüdrətinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən çox nüfuz edən elminə xatir, bir halda ki, bütün elmin nüfuz edəndir. Ey Allahım, Səndən istəyirəm bütün elminə xatir. Ey Allahım, Səndən istəyirəm ən çox bəyənilən sözünə xatir, bir halda ki, bütün sözlərin bəyəniləndir. Ey Allahım, Səndən istəyirəm bütün sözünə xatir. Ey Allahım, Səndən istəyirəm Səndən istənilən ən sevimli istəklərə xatir, bir halda ki, onların hamısı sevimlidir. Ey Allahım, Səndən istəyirəm Səndən istənilən bütün istəklərə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən şərafətli şərəfinə xatir, bir halda ki, bütün şərəfin şərafətlidir. Ey Allahım, Səndən istəyirəm bütün şərəfinə xatir. Ey Allahım, Səndən istəyirəm ən cavidan sultanlığına xatir, bir halda ki, bütün sultanlığın cavidandır. Ey Allahım, Səndən istəyirəm bütün sultanlığına xatir. Ey Allahım, Səndən istəyirəm şövkətli padşahlığına xatir, bir halda ki, bütün padşahlığın şövkətlidir. Ey Allahım, Səndən istəyirəm bütün padşahlığına xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən uca ucalığına xatir, bir halda ki, bütün ucalığın ucadır. Ey Allahım, Səndən istəyirəm bütün ucalığına xatir. Ey Allahım, Səndən istəyirəm ən təəccüb doğuran ayətlərinə (nişanələrinə) xatir, bir halda ki, bütün ayətlərin təəccüb doğurandır. Ey Allahım, Səndən istəyirəm bütün ayətlərinə xatir. Ey Allahım, Səndən istəyirəm ən qədim nemətinə xatir, bir halda ki, bütün nemətin qədimdir. Ey Allahım, Səndən istəyirəm bütün nemətinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm məqamına və böyüklüyünə xatir; Ey Allahım, Səndən istəyirəm bütün məqamına və böyüklüyünə xatir. Ey Allahım, Səndən istəyirəm Səni çağırdığım zaman mənə cavab verdiyin səbəbə xatir, ey Allah, ey o kəs ki, Səndən qeyri İlah yoxdur; Səndən istəyirəm "Səndən qeyri İlah yoxdur" kəlməsinin nuruna xatir, ey o kəs ki, Səndən qeyri İlah yoxdur; Səndən istəyirəm "Səndən qeyri İlah yoxdur" kəlməsinin ucalığına xatir, ey o kəs ki, Səndən qeyri İlah yoxdur; Səndən istəyirəm "Səndən qeyri İlah yoxdur" kəlməsinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Səndən istəyirəm ən ümumi ruzinə xatir, bir halda ki, bütün ruzilərin ümumidir. Ey Allahım, Səndən istəyirəm bütün ruzinə xatir. Ey Allahım, Səndən istəyirəm ən ürəyəyatan ətana xatir, bir halda ki, bütün ətaların ürəyəyatandır. Ey Allahım, Səndən istəyirəm bütün ətalarına xatir. Ey Allahım, Səndən istəyirəm ən təcili xeyir və yaxşılığına xatir, bir halda ki, bütün xeyirlərin təcilidir. Ey Allahım, Səndən istəyirəm bütün xeyirinə xatir. Ey Allahım, Səndən istəyirəm ən əfzəl fəzlinə xatir, bir halda ki, bütün fəzlin əfzəldir. Ey Allahım, Səndən istəyirəm bütün fəzlinə xatir. Ey Allahım, Səni çağırdım, necə ki, mənə əmr etmişdin, elə isə, mənə cavab ver, necə ki, vəd etmişdin. Ey Allahım, Məhəmməd və Ali-Məhəmmədə salam göndər, (Qiyamət günü) məni Sənə imanım olduğu, Sənin elçini – salam olsun ona və onun xanidanına – təsdiq etdiyim, Əli ibn Əbu Talibin imamlığını qəbul etdiyim və onun düşmənlərindən şikayətçi olduğum, Ali-Məhəmməddən olan İmamlara – salam olsun onlara - iqtida etdiyim bir halda ayağa qaldır, çünki mən buna razıyam, ey Rəbbim. Ey Allahım, əvvəlkilərin zümrəsində Öz bəndən və elçin Məhəmmədə salam göndər, sonrakıların zümrəsində Məhəmmədə salam göndər, yuxarı aləmdə Məhəmmədə salam göndər, elçilərin zümrəsində Məhəmmədə salam göndər. Ey Allahım, Məhəmmədə vəsilə məqamı, şərəf, fəzilət və böyük dərəcə əta et. Ey Allahım, Məhəmmədə və Ali-Məhəmmədə salam göndər, mənə ruzi etdiyinə məni qane et, mənə verdiyinə bərəkət ver, qaib olduğum vaxt və mənə nisbət olan hər qaibi qoru. Ey Allahım, Məhəmmədə və Ali-Məhəmmədə salam göndər, (Qiyamət günü) məni Sənə imanım olduğu və Sənin elçini təsdiq etdiyim bir halda ayağa qaldır. Ey Allahım, Məhəmmədə və Ali-Məhəmmədə salam göndər, yaxşıların ən yaxşısı olan Sənin razılığını və Cənnəti Səndən istəyirəm, pislərin ən pisi olan Sənin qəzəbindən və cəhənnəm odundan Sənə pənah aparıram. Ey Allahım, Məhəmmədə və Ali-Məhəmmədə salam göndər və qoru məni bu saatda, bu gecədə, bu gündə, bu ayda və bu ildə göydən yerə nazil olmuş və ya olacaq hər müsibətdən, hər giriftarlıqdan, hər işkəncədən, hər fitnədən, hər bəladan, hər şərdən, hər narahtlıqdan, hər müsibətdən, hər bəladan. Ey Allahım, Məhəmmədə və Ali-Məhəmmədə salam göndər və qismət et mənə bu saatda, bu gecədə, bu gündə, bu ayda və bu ildə göydən yerə nazil olmuş və ya olacaq hər sevincdən, hər şadlıqdan, hər davamlılıqdan, hər fərəcdən, hər sağlamlıqdan, hər salamatlıqdan, hər kəramətdən, hər geniş, halal və pak ruzidən, hər nemətdən, hər imkandan. Ey Allahım, əgər günahlarım mənim üzümü Sənin dərgahında xəcalətli edibsə, mənimlə Sənin aranda fasilə salıbsa, Sənin yanında mənim halımı dəyişdiribsə, onda zatının heç vaxt sönməyən nuruna xatir, Sənin həbibin Məhəmməd Mustafanın hörmətinə xatir, Əli Murtəzanın hörmətinə xatir, seçdiyin övliyaların haqqına xatir Səndən istəyirəm ki, Məhəmmədə və Ali-Məhəmmədə salam göndərəsən, mənim keçmiş günahlarımı bağışlayasan, qalan ömrümdə məni qoruyasan. Ey Allahım, nə qədər ki sağam, günahlardan birinə yenidən qayıtmaqdan Sənə pənah aparıram, ta ki məni öldürdüyün vaxt mən Sənə müti olmuş olum və Sən məndən razı olasan, mənim əməlimin aqibətini ən xeyirli aqibət edəsən və əməlimin savabını Cənnət qərar verəsən, mənim barəmdə Özünün layiq olduğunu edəsən. Ey təqva əhli və ey məğfirət əhli, Məhəmmədə və Ali-Məhəmmədə salam göndər və mənə rəhm et, ey rəhimlilərin ən rəhimlisi.</b></font>

5) Seyid ibn Tavus və Şeyx Tusidən nəql olunan duanı oxuyun. Belə ki, inlar nəql edirlər ki, iki rəkət namaz qıl sonra yetmiş dəfə "istiğfar" elə. Daha sonra isə bu cümləylə başlayan duanı oxu:

<font color="000000"><b>Həmd-səna olsun o Allaha ki, aləmlərin rəbbidir. Həmd-səna olsun o Allaha ki, göyləri və yerləri yaradan odur...</b></font>