خدایا میں تجھ سے سوال کرتا ہوں تیرے نورانی ترین مراتب انوار کے واسطہ سے

درانحالیکہ تیرے تمام مراتب نورانی ہیں

خدایا میں سوال کرتا ہوں تیرے کل مراتب نورانیت کے واسطہ سے۔

خدایا میں سوال کرتا ہوں تیرے عالی ترین جلال کے واسطہ سے

حالانکہ تیرا ہر جلال عالی ہے۔

خدایا میں تجھ سے سوال کرتا ہوں تیرے کل کے کل جلال کے واسطہ سے۔

خدایا میں سوال کرتا ہوں تجھ سے تیرے نیک ترین جمال کے واسطہ سے

اور تیرا ہر جمال نیک ہے۔

خدایا میں تجھ سے سوال کرتا ہوں تیرے کل جمال کے واسطہ سے۔

خدایا میں تجھ سے اسی طرح دعا کرتا ہوں جس طرح تو نے حکم دیا ہے۔

تو بھی اسی طرح قبول کرلے جیسا کہ تو نے وعدہ کیا ہے۔

خدایا میں تجھ سے سوال کرتا ہوں تیری بزرگ ترین عظمت کے واسطہ سے

جب کہ تیری کل عظمت بزرگ ہے۔

خدایا میں تجھ سے سوال کرتا ہوں تیری کل کی کل عظمت کے واسطہ سے۔

خدایا میں تجھ سے سوال کرتا ہوں تیرے روشن ترین نور کے واسطہ سے

درانحالیکہ تیرا ہر نور روشن ترین ہے۔

خدایا میں تجھ سے سوال کرتا ہوں تیرے کل نور کے واسطہ سے۔

خدایا میں تجھ سے سوال کرتا ہوں تیری وسیع ترین رحمت کے واسطہ سے

اور تیری ہر رحمت وسیع ہے۔

خدایا میں تیری کل رحمت کے واسطہ سے سوال کرتا ہوں۔

خدایا میں تجھ سے اسی طرح دعا کرتا ہوں جس طرح تو نے مجھ کو حکم دیا ہے

تو تو اس طرح قبول کرلے جس طرح تو نے وعدہ کیا ہے۔

خدایا میں تجھ سے سوال کرتا ہوں تیرے بلند ترین کمال کے واسطہ سے

درانحالیکہ تیرا ہر کمال کامل ہے۔

خدایا میں تجھ سے سوال کرتا ہوں تیرے کل کمال کے واسطہ سے۔

خدایا میں تجھ سے سوال کرتا ہوں تیرے مکمل ترین کلمات کے واسطہ سے

درانحالیکہ تیرے کلمات مکمل ہیں۔

خدایا میں تجھ سے سوال کرتا ہوں تیرے کل کلمات کے واسطہ سے۔

خدایا میں درخواست کرتا ہوں تیرے بڑے ناموں کے ذریعہ

درانحالیکہ تیرے سب نام بڑے ہیں۔

خدایا میں سوال کرتا ہوں تیرے کل ناموں کے واسطہ سے۔

خدایا میں تجھ کو اسی طرح پکاررہا ہوں جیسا کہ تو نے مجھ کو حکم دیا ہے

تو تو اسی طرح قبول کرلے جیسے کہ تو نے مجھ سے وعدہ کیا ہے۔

خدایا میں تجھ سے سوال کرتا ہوں تیری بلندترین عزّت کے واسطہ سے

درانحالیکہ تیری ہر عزّت بلند ہے

اور میں تجھ سے تیری ہر عزّت کے واسطہ سے سوال کرتا ہوں۔

خدایا میں تجھ سے سوال کرتا ہوں تیری نافذ ترین مشیّت کے واسطہ سے

جب کہ تیری ہر مشیّت نافذ ہے۔

خدایا میں تجھ سے سوال کرتا ہوں تیری کل کی کل مشیّت کے واسطہ سے۔

خدایا میں تجھ سے سوال کرتا ہوں تیری قدرت کے واسطہ سے جو تمام چیزوں پر محیط ہے

جب کہ تیری ہر قدرت محیط ہے۔

خدایا میں تجھ سے سوال کرتا ہوں تیری کل قدرت کے واسطہ سے۔

خدایا میں تجھ سے اسی طرح دعا کرتا ہوں جیسا تو نے حکم دیا ہے

تو تو قبول کرلے جیسے تو نے وعدہ کیا ہے۔

خدایا میں تجھ سے سوال کرتا ہوں تیرے نافذ علم کے واسطہ سے

درانحالیکہ تیرا ہر علم نافذ ہے۔

خدایا میں تجھ سے سوال کرتا ہوں تیرے ہر علم کے واسطہ سے۔

خدایا میں تجھ سے سوال کرتا ہوں تیرے پسندیدہ قول کے واسطہ سے

جب کہ تیرا ہر قول پسندیدہ ہے۔

خدایا میں تجھ سے سوال کرتا ہوں تیرے قول کے واسطہ سے

خدایا میں تجھ سے سوال کرتا ہوں تیرے محبوب ترین مسائل کے واسطہ سے

جب کہ سارے مسائل تیرے نزدیک پسندیدہ ہیں۔

خدایا میں تجھ سے سوال کرتا ہوں تیرے کل کے کل مسائل کے واسطہ سے۔

خدایا میں تجھ کو ویسے ہی پکار رہا ہوں جیسے کہ تو نے حکم دیا ہے

تو تو اب قبول کرلے ویسے ہی جیسے تو نے وعدہ کیا ہے۔

خدایا میں تجھ سے سوال کرتا ہوں تیرے شریف ترین شرف کے واسطہ سے

جب کہ تیرا ہر شرف شریف ہے۔

خدایا میں تجھ سے سوال کرتا ہوں تیرے ہر شرف کے واسطہ سے۔

خدایا میں تجھ سے سوال کرتا ہوں تیری دائمی بادشاہت کے واسطہ سے

جب کہ تیری ہر حکومت دائمی ہے۔

خدایا میں تیری کل بادشاہت کے ذریعہ تجھ سے سوال کررہا ہوں۔

خدایا میں تجھ سے سوال کرتا ہوں تیری بہترین ملکیت کے واسطہ سے

جب کہ تیری ہر ملکیت بہترین ہے۔

خدایا میں تجھ سے سوال کرتا ہوں تیری کل کی کل ملکیت کے واسطہ سے۔

خدایا میں تجھ سے ویسے ہی دعا کرتا ہوں جیسے تو نے حکم دیا ہے

تو تو ویسے ہی قبول کرلے جیسے کہ تو نے وعدہ کیا ہے۔

خدایا میں تجھ سے سوال کرتا ہوں تیری عالی مرتبہ بلندی کے واسطہ سے

جب کہ تیری ہر بلندی بلند ہے۔

خدایا میں تجھ سے تیری کل بلندی کے ذریعہ سوال کرتا ہوں۔

خدایا میں تجھ سے سوال کرتا ہوں تیری عجیب ترین آیتوں کے واسطہ سے

جب کہ تیری ہر آیت عجیب ہے۔

خدایا میں تجھ سے سوال کرتا ہوں تیری کل آیتوں کے واسطہ سے۔

خدایا میں تجھ سے سوال کرتا ہوں تیرے قدیم احسان کے واسطہ سے

جب کہ تیرا کل احسان قدیم ہے۔

خدایا میں تیرے کل احسان کے واسطہ سے سوال کرتا ہوں۔

خدایا میں تجھ سے دعا کرتا ہوں جیسا کہ تو نے حکم دیا ہے

تو تو قبول کرلے جیسا کہ تو نے وعدہ کیا ہے۔

خدایا میں تجھ سے سوال کرتا ہوں اس کے ذریعہ جو شان اور جبروت تیری ہے۔

خدایا میں تجھ سے سوال کرتا ہوں ہر شان اور جبروت کے واسطہ سے۔

خدایا میں تجھ سے سوال کرتا ہوں اس چیز کے واسطہ سے جس کے ذریعہ تو قبول کرلیتا ہے جب میں تجھ سے سوال کرتا ہوں۔

اے خدا اے وہ معبود کہ تیرے علاوہ کوئی معبود نہیں ہے۔

میں تجھ سے سوال کرتا ہوں لا الٰہ الا انت کے نور کے واسطہ سے۔

اے وہ معبود کہ تیرے علاوہ کوئی معبود نہیں ہے۔

میں تجھ سے سوال کرتا ہوں لا الٰہ الا انت کے جلال کے واسطہ سے

اے وہ کہ تیرے علاوہ کوئی معبود نہیں ہے۔

میں تجھ سے سوال کرتا ہوں لا الٰہ الا انت کے واسطہ سے۔

خدایا میں تجھ سے اسی طرح دعا کرتا ہوں جیسے کہ تو نے حکم دیا ہے

تو تو ویسے ہی قبول کرلے جیسے کہ تو نے وعدہ کیا ہے۔

خدایا میں تجھ سے سوال کرتا ہوں تیرے عام ترین رزق کے واسطہ سے

جب کہ تیرا ہر رزق عام ہے۔

خدایا میں تیرے کل رزق کے واسطہ سے سوال کرتا ہوں۔

خدایا میں تجھ سے سوال کرتا ہوں تیرے گوارا ترین عطیہ کے واسطہ سے

جب کہ تیری ہر عطا گوارا ہے۔

خدایا میں تجھ سے سوال کرتا ہوں تیری کل عطا کے واسطہ سے۔

خدایا میں تجھ سے سوال کرتا ہوں تیری فوری نیکی کے واسطہ سے

جب کہ تیری ہر نیکی فوری ہے۔

خدایا میں تجھ سے سوال کرتا ہوں تیرے کل خیر کے واسطہ سے۔

خدایا میں تجھ سے سوال کرتا ہوں تیرے فاضل ترین فضل و کرم کے واسطہ سے

جب کہ تیرا ہر فضل فاضل ہے۔

خدایا میں تجھ سے سوال کرتا ہوں تیرے کل فضل کے واسطہ سے

خدایا میں تجھ سے دعا کرتا ہوں جیسا کہ تو نے حکم دیا ہے

تو تو قبول کرلے جیسا کہ تو نے وعدہ کیا ہے۔

خدایا درود بھیج محمدؐ و آل محمدؐ پر

اور مجھ کو محشور کرنا اپنے اوپر ایمان

اور اپنے رسول کی تصدیق پر (ان پر اور ان کی آلِ پاک پر سلام ہو)

اور علیؑ بن ابی طالبؑ کی ولایت پر

اور ان کے دشمن سے برائت پر

اور ائمہ کی پیروی آل محمد

علیہم السلام کی پیروی کرنے پر

میں ان سب سے راضی ہوں اے میرے پروردگار،

خدایا درود بھیج محمدؐ پر

جو تیرے بندہ اور رسول ہیں اوّلین میں

اور درود بھیج محمدؐ پر آخرین میں

اور درود بھیج محمدؐ پر ملاءِ اعلیٰ میں

اور درود نازل فرما محمدؐ پر مرسلین میں۔

خدایا محمدؐ کو وسیلہ

اور شرف اور فضیلت اور بلند درجہ عطا فرما۔

خدایا درود نازل کر محمدؐ و آل محمدؐ پر

اور مجھ کو اس پر قانع بنادے جو تو نے مجھ کو رزق دیا ہے

اور مجھ کو برکت دے اس میں جو تو نے مجھ کو دیا ہے

اور مجھ کو محفوظ کردے میری غیبت میں

اور ہر غائب میں۔

خدایا درود نازل فرما محمدؐ و آل محمدؐ پر

اور مجھ کو محشور کر اپنے ایمان

اور اپنے رسولؐ کی تصدیق پر۔

خدایا درود نازل کر محمدؐ و آل محمدؐ پر

اور میں تجھ سے سوال کرتا ہوں بہترین نیکی یعنی تیری رضامندی اور جنّت کا

اور تیری پناہ چاہتا ہوں بدترین برائی یعنی تیری ناراضگی اور جہنّم سے۔

خدایا درود نازل کر محمدؐ و آل محمدؐ پر

اور مجھ کو محفوظ کردے ہر مصیبت ،

ہر بلا سے

اور ہر سزا سے

اور ہر فتنہ سے

اور زحمت سے

اور ہر برائی سے

اور ناپسندیدہ امر سے

اور ہر مصیبت سے

اور ہر آفت سے جو نازل ہوئی ہے

یا نازل ہونے والی ہے آسمان سے زمین کی طرف

اسی وقت

اور اسی رات

اور اسی دن

اور اسی مہینہ

اور اسی سال میں

اور درود نازل فرما محمدؐ و آل محمدؐ پر

اور مجھ کو بہرہ مند کردے اور ہر خوشی سے

اور ہر سرور سے

اور ہر استقامت سے

اور ہر کشایش سے

اور ہر عافیت سے

اور ہر سلامتی سے

اور ہر کرامت سے

اور ہر رزق سے

جو وسیع، حلال، پاک وپاکیزہ،

اور ہر نعمت سے

اور ہر وسعت سے

جو نازل ہوئی یا آسمان سے زمین پر نازل ہونے والی ہے

اس وقت میں

اور اس رات میں

اور اس دن میں

اور اس مہینہ میں

اور اس سال میں۔

خدایا اگر میرے گناہوں نے

میرے چہرے کو تیرے نزدیک بدنما کردیا ہے

اور میرے اور تیرے درمیان حائل ہوگئے ہیں

اور میری حالت متغیّر ہوگئی ہے۔

تو میں تجھ سے سوال کرتا ہوں تیری ذات کے نور کے واسطہ سے جو خاموش نہیں ہوتا ہے

اور محمدؐ کے واسطہ سے جو تیرے منتخب حبیب ہیں

اور تیرے ولی علیؑ مرتضیٰ کے واسطہ سے

اور تیرے منتخب ولیوں کے واسطہ سے کہ

تو درود نازل فرما محمدؐ و آل محمدؐ پر

اور میرے گذشتہ گناہوں کو بخش دے

اور میری باقی عمر میں مجھ کو محفوظ رکھ

اور میں تیری پناہ چاہتا ہوں خدایا

اس سے کہ میں تیری معصیت کا اعادہ کروں

جب تک کہ تو مجھ کو باقی رکھے یہاں تک کہ موت آجائے

اور میں تیرا مطیع رہوں اور تو مجھ سے راضی رہے

اور تو میرے عمل کا خاتمہ اچھائی پر کرنا

اور اس کا ثواب جنّت کو قرار دینا

اور تو میرے ساتھ وہ سلوک کرنا جس کا تو اہل ہے

اے تقویٰ والے اور مغفرت والے

درود نازل کر محمدؐ و آل محمدؐ پر

اور مجھ پر رحم کر اپنی رحمت سے اے سب سے زیادہ رحم کرنے والے۔

ساری تعریف اللہ کے لیے ہے جو عالمین کا پالنے والا ہے تمام تعریفیں اس خدا کے لیے ہیں جو آسمان و زمین کا پیدا کرنے والا ۔۔۔۔