Khudaaya, Ay fanaa honay waali arwaah

aur miṭ jaanay waalay ajsaam kay Maalik

Mein tujh say sawaal karta hoon arwaah ki itaa'at kay waastay say jo jism tak palaṭ kay aanay waali hain

aur un jismon ki itaa'at kay waastay say jo ragon say juṛay huay hain,

teray kalimah ka waastah jo sab mein naafiz hai

aur teray haqq kay lenay ka waastah kay

tamaam makhlooqaat teray saamnay hain,

teray faislay ki muntazir hai

aur teri rehmat ki ummeedwaar aur teray 'azaab say larzaan hai

Khudaaya Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.

Meri aankhon mein noor,

meray dil mein yaqeen

aur meri zabaan par roz-o-shab apnay zikr ko jaari kar day

aur mujhay 'aml-e-saaleh 'ataa farma.